ବାସେଲ: ଡବଲ୍ ଅଲିମ୍ପିକ୍ ପଦକ ବିଜୟିନୀ ପିଭି ସିନ୍ଧୁ ସିଧା ଗେମ୍ରେ ଡେନ୍ମାର୍କ ଲିନ୍ ହୋଜମାର୍କ କାଜଏଷ୍ଟଫଲ୍ଡଟ୍ଙ୍କୁ ଏଠାରେ ଚାଲିଥିବା ସ୍ୱିସ୍ ଓପନ୍ ବ୍ୟାଡ୍ମିଣ୍ଟନ୍ ଟୁର୍ଣ୍ଣାମେଣ୍ଟ୍ର ମହିଳା ସିଙ୍ଗଲ୍ସ ଦ୍ୱିତୀୟ ରାଉଣ୍ଡ୍ରେ ପ୍ରବେଶ କରିଛନ୍ତି । ବୁଧବାର ବିଳମ୍ବିତ ରାତିରେ ଖେଳାଯାଇଥିବା ପ୍ରଥମ ରାଉଣ୍ଡ୍ ମ୍ୟାଚ୍ରେ ପୂର୍ବତନ ବିଶ୍ୱ ଚାମ୍ପିଅନ୍ ସିନ୍ଧୁ ୨୧-୧୪, ୨୧-୧୨ରେ ବିଜୟୀ ହୋଇଥିଲେ । ଦ୍ୱିତୀୟ ରାଉଣ୍ଡ୍ରେ ସେ ଚୀନ୍ର ନେସ୍ଲିହାନ୍ ୟିଗିତ୍ଙ୍କୁ ଭେଟିବେ ।
ସେହିପରି ଅଶ୍ୱିନୀ ପୋନ୍ନାପ୍ପା ଓ ଏନ୍ ସିକ୍କି ରେଡ୍ଡୀଙ୍କୁ ଭାରତୀୟ ମହିଳା ଡବଲ୍ସ ଯୋଡ଼ି ମଧ୍ୟ ଦ୍ୱିତୀୟ ରାଉଣ୍ଡ୍ରେ ପ୍ରବେଶ କରିଛନ୍ତି । ମହିଳା ଡବଲ୍ସର ପ୍ରଥମ ରାଉଣ୍ଡ୍ ମ୍ୟାଚ୍ରେ ଭାରତୀୟ ଯୋଡ଼ି ଆଲିନ୍ ମୁଲର୍ ଓ ଜେନଜିରା ଷ୍ଟାଡେଲ୍ମାନ୍ଙ୍କୁ ସ୍ଥାନୀୟ ଯୋଡ଼ିକୁ ୨୧-୧୫, ୨୧-୧୬ ସିଧା ଗେମ୍ରେ ହରାଇ ଦେଇଥିଲା । ତେବେ ଏମ୍ଆର୍ ଅର୍ଜୁନ ଓ ଧ୍ରୁବ କପିଳାଙ୍କ ପୁରୁଷ ଯୋଡ଼ି ଏହି ସୁପର୍ ୩୦୦ ଟୁର୍ଣ୍ଣାମେଣ୍ଟ୍ର ପ୍ରଥମ ରାଉଣ୍ଡ୍ରେ ପରାଜିତ ହୋଇଛି ।
ଇଣ୍ଡୋନେସିଆର ଫଜାର୍ ଆଲ୍ଫିଆନ୍ ଓ ମହମ୍ମଦ ରିଆନ୍ ଆଡ୍ରିଆନ୍ଙ୍କ ଯୋଡ଼ି ସେମାନଙ୍କୁ ୨୧-୧୯, ୨୧-୧୩ରେ ହରାଇ ଦେଇଛନ୍ତି । ଅନ୍ୟପକ୍ଷରେ ଲଣ୍ଡନ ଅଲିମ୍ପିକ୍ ବ୍ରୋଞ୍ଜ୍ ପଦକ ବିଜୟିନୀ ସାଇନା ନେହ୍ୱାଲ୍ ଓ କିଦାମ୍ବୀ ଶ୍ରୀକାନ୍ତ ନିଜ ନିଜର ପ୍ରଥମ ରାଉଣ୍ଡ୍ ମ୍ୟାଚ୍ରେ ବିଜୟୀ ହୋଇ ଯଥାକ୍ରମେ ମହିଳା ଓ ପୁରୁଷ ସିଙ୍ଗଲ୍ସ ଦ୍ୱିତୀୟ ରାଉଣ୍ଡ୍ରେ ପ୍ରବେଶ କରିଛନ୍ତି ।
