ପ୍ୟାରିସ୍: ଗ୍ରାଣ୍ଡସ୍ଲାମ୍ ଟେନିସ୍ ଚମ୍ପିଆନ୍ସିପ ଫ୍ରେଞ୍ଚ୍ ଓପନ୍ରେ ମହିଳା ଏକକ ଚମ୍ପିଆନ୍ ହୋଇଛନ୍ତି ବିଶ୍ବର ୧ନଂ ଖେଳାଳି ଇଗା ସ୍ଵିଆଟେକ୍। ଶନିବାର ସଂଘର୍ଷପୂର୍ଣ୍ଣ ଫାଇନାଲରେ ପୋଲାଣ୍ଡର ସ୍ବିଆଟେକ୍ ୬-୨, ୫-୭, ୬-୪ ସେଟ୍ରେ ଅଣସିଡେଡ୍ ଖେଳାଳି ଚେକ୍ ଗଣରାଜ୍ୟର କାରୋଲିନା ମୁଚୋଭାଙ୍କୁ ପରାସ୍ତ କରିଛନ୍ତି। ଗତବର୍ଷ ଏଠାରେ ଚମ୍ପିଆନ୍ ହୋଇଥିବା ସ୍ବିଆଟେକ୍ ଫ୍ରେଞ୍ଚ୍ ଓପନ୍ ଟ୍ରଫି ବଜାୟ ରଖିଛନ୍ତି। ଏହା ଟପ୍ ସିଡ୍ ସ୍ବିଆଟେକ୍ଙ୍କ ୩ୟ ଫ୍ରେଞ୍ଚ୍ ଓପନ୍ ଟାଇଟଲ। ମୋଟଉପରେ ୨୨ ବର୍ଷ ବୟସ୍କା ସ୍ବିଆଟେକ୍ ୪ର୍ଥ ଥର ଗ୍ରାଣ୍ଡସ୍ଲାମ୍ ଚମ୍ପିଆନ୍ ହୋଇଛନ୍ତି।
