ନୂଆଦିଲ୍ଲୀ: ଭାରତୀୟ ନୌବାହିନୀ ପକ୍ଷରୁ ବୁଧବାର ବ୍ରହ୍ମସ୍ କ୍ଷେପଣାସ୍ତ୍ରର ସଂପ୍ରସାରିତ ଭର୍ସନ୍ର ସଫଳ ପରୀକ୍ଷଣ କରାଯାଇଛି । ନୌବାହିନୀର ଡେଷ୍ଟ୍ରୟର ଜାହାଜ ‘ଇମ୍ଫାଲ’ରୁ ଉତ୍କ୍ଷେପଣ ହୋଇଥିବା ଏହି କ୍ଷେପଣାସ୍ତ୍ର ସଫଳତାର ସହ ଲକ୍ଷ୍ୟଭେଦ କରିଥିବା କୁହାଯାଇଛି ।
ନୌବାହିନୀରେ ସାମିଲ ହେବା ପୂର୍ବରୁ ପ୍ରଥମ ଥର ବ୍ରହ୍ମସ୍ କ୍ଷେପଣାସ୍ତ୍ରକୁ କୌଣସି ଯୁଦ୍ଧଜାହାଜକୁ ନିକ୍ଷେପ କରାଯାଇଛି ବୋଲି ନୌବାହିନୀର ଲୋକସମ୍ପର୍କ ଅଧିକାରୀ କମାଣ୍ଡର ବିବେକ ମାଧୱାଲ କହିଛନ୍ତି । ମୁମ୍ବାଇସ୍ଥିତ ମାଜଗାଓଁ ଡକ୍ୟାର୍ଡରେ ନିର୍ମିତ ‘ଇମ୍ଫାଲ’ ଜାହାଜ ଗତ ଅକ୍ଟୋବର ୨୦ରେ ନୌବାହିନୀରେ ସାମିଲ ହୋଇଛି ।
