ନୂଆଦିଲ୍ଲୀ : ଭାରତୀୟ କ୍ରିକେଟରେ ଏବେ ଘୋଟି ଆସିଛି କଳା ବାଦଲ । ଗତ ବୁଧବାର ଭାରତୀୟ ଟେଷ୍ଟ ଟିମର କ୍ୟାପଟେନ ବିରାଟ କୋହଲି ପ୍ରେସ କନଫରେନ୍ସ କରି ବିସିସିଆଇ ଅଧ୍ୟକ୍ଷ ସୌରବ ଗାଙ୍ଗୁଲିଙ୍କ ମନ୍ତବ୍ୟକୁ ଭୁଲ ବୋଲି କହିଥିଲେ । ଏହି ପ୍ରସଙ୍ଗରେ ଗାଙ୍ଗୁଲି ପ୍ରଥମଥର ପାଇଁ ମୁହଁ ଖୋଲିଛନ୍ତି । ଗାଙ୍ଗୁଲି ଏହି ପ୍ରସଙ୍ଗରେ କହିଛନ୍ତି ଯେ, ସେ ଏହି ପ୍ରସଙ୍ଗରେ କିଛି କହିବା ପାଇଁ ଚାହୁଁନାହାନ୍ତି ।
ଏହି ମାମଲାକୁ ଏବେ ବିସିସିିଆଇ ସମାଧାନ କରିଦେବ ବୋଲି ସେ କହିଛନ୍ତି । ତେବେ ଗଣମାଧ୍ୟମକୁ ସୂଚାନ ଦେଇଛନ୍ତି ସେ କହିଛନ୍ତି, ମୁଁ କିଛି ପ୍ରତିକ୍ରିୟା ଦେବାକୁ ଚାହୁଁ ନାହିଁ । ଆମେ ଏହାର ସମାଧାନ ଆମ ଉପାୟରେ କରିବୁ। ଏସବୁ ବିସିଆଇ ଉପରକୁ ଛାଡି ଦିଆଯାଉ । ସୂଚନା ଅନୁଯାୟୀ , କୋହଲିଙ୍କୁ ସେପ୍ଟେମ୍ବରରେ ଟି୨୦ କ୍ୟାପଟେନ ପଦ ନଛାଡିବାକୁ କୁହାଯାଇଥିଲା । ମୋଟ ୯ ଜଣ ଲୋକଙ୍କ ସାମ୍ନାରେ ଏହା କୁହାଯାଇଥିଲା ।
ଯେଉଁଥିରେ ସୌରବ ଗାଙ୍ଗୁଲି, ବିସିସିଆଇ ସମ୍ପାଦକ ଜୟ ଶାହ, ରୋହିତ ଶର୍ମା ଉପସ୍ଥିତ ଥିଲେ । ହେଲେ କୋହଲି ଏହି କଥାକୁ ପ୍ରେସ କନଫରେନ୍ସ କରି ଖାରଜ କରିଥିଲେ । ସେ କହିଥିଲେ ଯେତେବେଳେ ମୁଁ ଟି ୨୦ କ୍ୟାପ୍ଣଙ୍କନ ପଦ ଛାଡିଲି, ସର୍ବପ୍ରଥମେ ବିସିସିଆଇ ପାଖକୁ ଯାଇଥିଲି, ଏବଂ ନିଜ ନଷ୍ପତ୍ତି ଜଣାଇଥିଲି । ପରେ ମୋର ଏଭଳି ନିଷ୍ପତ୍ତିକୁ କେହିବି ବିରୋଧ କରି ନଥିଲେ ବୋଲି ବିରାଟ କହିଛନ୍ତି । ସେପଟେ ଗାଙ୍ଗୁଲି ପିଟିଟିଆଇକୁ ସାକ୍ଷାତକାର ଦେଇ କହିଥିଲେ ଯେ, ବୋର୍ଡ କୋହଲିଙ୍କୁ ଟି ୨୦ କ୍ୟାପଟେନ ପଦ ନଛାଡିବା ପାଇଁ କହିଥିଲେ , କିନ୍ତୁ ସେ ମାନି ନଥିଲେ ।
