ଭୁବନେଶ୍ୱର: ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରର କଷ୍ଟମ୍ସ ଅଧିକାରୀମାନେ ଏକ ଅନ୍ତର୍ଜାତୀୟ ବନ୍ୟପ୍ରାଣୀ ଚୋରା ଚାଲାଣ ରାକେଟର ପର୍ଦ୍ଦାଫାସ କରି ଥାଇଲ୍ୟାଣ୍ଡରୁ ଆସିଥିବା ଜଣେ ଯାତ୍ରୀଙ୍କଠାରୁ ନଅଟି ସାପ, ଦଶଟି କଇଁଛ ଏବଂ ୧୨ଟି ମନିଟର ଝିଟିପିଟି ଜବତ କରିଛନ୍ତି । ବ୍ୟକ୍ତି ଜଣକ ବ୍ୟାଙ୍କକରୁ ଭୁବନେଶ୍ୱରରେ ଓହ୍ଲାଇଥିଲେ । ଭାରତରୁ ଏକ ଘରୋଇ ବିମାନରେ ଯିବାର ଥିଲା । ବିମାନବନ୍ଦରର କଷ୍ଟମ୍ସ ଦାୟିତ୍ୱରେ ଥିବା ରଞ୍ଜିତ ମହାନ୍ତି କହିଛନ୍ତି ଯେ ସନ୍ଦିଗ୍ଧ ଚୋରା ବନ୍ୟପ୍ରାଣୀର ଉତ୍ସ ଏବଂ ଉଦ୍ଦେଶ୍ୟ ନିର୍ଣ୍ଣୟ କରିବା ପାଇଁ ଯାତ୍ରୀଙ୍କୁ ବର୍ତ୍ତମାନ ପଚରାଉଚରା କରାଯାଉଛି। “ଜବତ୍ କରାଯାଇଥିବା ଦେଶୀ ପ୍ରଜାତି ବିଷୟରେ ଅଧିକ ବିବରଣୀ ଯାଞ୍ଚ କରାଯାଉଛି। ସେ ଆହୁରି ମଧ୍ୟ କହିଛନ୍ତି , ଯାତ୍ରୀଙ୍କଠାରୁ ଜବତ ହୋଇଥିବା ସରୀସୃପ ମଧ୍ୟରେ କାଲିଫର୍ନିଆ କିଙ୍ଗ ସ୍ନେକ , ନାଇଲ ମନିଟର ଝିଟିପିଟି ଛୁଆ ଏବଂ କଇଁଛ ଅନ୍ତର୍ଭୁକ୍ତ ରହିଛି । ସୂତ୍ର ଅନୁସାରେ ତିନୋଟି ଝିଟିପିଟି ମୃତ ଅବସ୍ଥାରେ ମିଳିଛି। କର୍ତ୍ତୃପକ୍ଷ ସନ୍ଦେହ କରୁଛନ୍ତି ଯେ ଏହି ଘଟଣା ଏକ ବୃହତ ବନ୍ୟପ୍ରାଣୀ ଚାଲାଣ ନେଟୱାର୍କ ସହିତ ଜଡିତ । ଏହାରିକୁ ନେଇ ଅଧିକ ତଦନ୍ତ ଚାଲିଛି।
