ବ୍ରହ୍ମପୁର: ଦଳ ବିରୋଧୀ କାର୍ଯ୍ୟ ପାଇଁ ବିଜୁ ଛାତ୍ର ଜନତା ଦଳରୁ ନିଲମ୍ବିତ ହେଲେ ଅଭିଷେକ ନାୟକ । ବ୍ରହ୍ମପୁରରେ କଲେଜ୍ ଛାତ୍ରଙ୍କୁ ରାଗିଂ ମାମଲାର ମୁଖ୍ୟ ଅଭିଯୁକ୍ତ ଅଭିଷେକ ନାୟକ ବିଜେଡି ଛାତ୍ର ନେତା ଥିଲେ । ବିଜୁ ଜନତା ଦଳର ଛାତ୍ର ସଂଗଠନରେ ଥିଲେ ଅଭିଷେକ । ତାଙ୍କୁ ବିଜେଡିରୁ ନିଲମ୍ବିତ କରାଯାଇଛି । ବ୍ରହ୍ମପୁର ବିନାୟକ ଆଚାର୍ଯ୍ୟ କଲେଜର +୩ ଦ୍ୱିତୀୟ ବର୍ଷରେ ପଢ଼ୁଥିବା ଅଭିଷେକ ଥିଲେ ବିଜେଡିର କଲେଜ୍ କନଭେନର୍ । ବିଜେଡି କଲେଜ୍ କ୍ୟାମ୍ପସ୍ କନଭେନର୍ ଭାବେ ତାଙ୍କୁ ଦାୟିତ୍ୱ ଦିଆଯାଇଥିଲା ।
ଅନ୍ୟପଟେ ଆଜି କଲେଜକୁ ଯାଇ ସ୍ଥିତି ଯାଞ୍ଚ କରିବା ସହ ଅଧିକାରୀଙ୍କ ସହ ଆଲୋଚନା କରିଛନ୍ତି ଉଚ୍ଚଶିକ୍ଷା ବିଭାଗର ଆଞ୍ଚଳିକ ନିର୍ଦ୍ଦେଶକ । ଯାହା ଘଟିଛି ଅତି ନିନ୍ଦନୀୟ, ଏପରି ହେବା ଆଦୌ ଉଚିତ୍ ନୁହେଁ । ଘଟଣାର ଯେପରି ପୁନରାବୃତ୍ତି ହେବନି ସେ ନେଇ ଧ୍ୟାନ ଦିଆଯିବ ବୋଲି କହିଛନ୍ତି ଉଚ୍ଚଶିକ୍ଷା ବିଭାଗ ଆଞ୍ଚଳିକ ନିର୍ଦ୍ଦେଶକ ଲକ୍ଷ୍ମୀକାନ୍ତ ତ୍ରିପାଠୀ ।
