ଗଂଜେଇ ଜବତ: ୨ ଗିରଫ

ବୌଦ୍ଧ : ବୌଦ୍ଧ ପୁଲିସ ପକ୍ଷରୁ ଚଢଉ କରାଯାଇ ୨୧ କେଜି ଗଂଜେଇ ସହ ଏକ ବାଇକକୁ ଜବତ କରିଥିବା ବେଳେ ଦୁଇ ଜଣକୁ ଗିରଫ କରାଯାଇଛି। ଗିରଫ ଦୁଇ ଅଭିଯୁକ୍ତ ହେଲେ ଅନୁଗୁଳ ଜିଲା ଆଠମଲ୍ଲିକ ବ୍ଲକର ଛପରା ଗ୍ରାମର ଦିବ୍ୟକାନ୍ତ ପ୍ରଧାନ ଓ ଦିଲ୍ଲିପ ବିଶ୍ୱାଳ । ଗଂଜେଇ ଚାଲାଣ ହେଉଥିବା ସୂଚନା ପାଇ ବୌଦ୍ଧ ପୁଲିସ ଫୁରୁଡା ଠାରେ ଏକ ବାଇକ ଉପରେ ଚଢଉ କରାଯାଇ ତଲାସି କରିବାରୁ ବାଇକରେ ଗଂଜେଇ ଥିଲା । ଗଂଜେଇକୁ ପୁଲିସ ଜବତ କରି ଓଜନ କରିବାରୁ ତାହା ୨୧ କେଜି ଗଂଜେଇ ହୋଇଥିଲା । ପୁଲିସ ଗଂଜେଇ ସହ ବାଇକକୁ ଜବତ କରି ବାଇକରେ ଥିବା ଦୁଇ ଅଭିଯୁକ୍ତ ଦିବ୍ୟକାନ୍ତ ଓ ଦିଲ୍ଲିପକୁ ଗିରଫ କରିଛି ।