ନୂଆଦିଲ୍ଲୀ: ପଂଜାବ ଶିକ୍ଷା ମନ୍ତ୍ରୀ ବିଜୟ ଇନ୍ଦର ସିଙ୍ଗଲା କହିଛନ୍ତି, ସ୍କୁଲ ବନ୍ଦ ରହିବ । ହେଲେ ସ୍କୁଲରେ ଶିକ୍ଷକ ଉପସ୍ଥିତ ରହିବେ । ଏଥିପାଇଁ ଯଦି କୌଣସି ଛାତ୍ରଛାତ୍ରୀଙ୍କୁ ବୋର୍ଡ ପରୀକ୍ଷା କିମ୍ବା ଅନ୍ୟ ପରୀକ୍ଷା ନେଇ ପ୍ରସ୍ତୁତି ସମୟରେ ଦରକାର ପଡିଲେ ସେ ସ୍କୁଲ ଆସିପାରିବେ । ଶିକ୍ଷକମାନଙ୍କୁ ସ୍କୁଲରେ ରହିବା ପାଇଁ ନିର୍ଦ୍ଦେଶ ଦିଆଯାଇଛି । ତେବେ ଶିକ୍ଷକଙ୍କ ଠାରୁ ପରୀକ୍ଷା ପ୍ରସ୍ତୁତି ନେଇ ସାହାଯ୍ୟ ଦରକାର ପଡିଲେ ଛାତ୍ରଛାତ୍ରୀମାନଙ୍କୁ ଅଭିଭାବକଙ୍କ ଅନୁମତି ଆଣିବାକୁ ପଡିବ । ଶିକ୍ଷାମନ୍ତ୍ରୀ ବିଜୟ ଇନ୍ଦର ସିଙ୍ଗଲା କହିଛନ୍ତି, ଚଳିତ ବର୍ଷ ବାର୍ଷିକ ପରୀକ୍ଷା କରୋନା ଭାଇରସର ଗାଇଡଲାଇନ ଅନୁସାରେ ଅଫଲାଇନ କରାଯିବ । ରାଜ୍ୟରେ କୋଭିଡ ୧୯ନିର୍ଦ୍ଦେଶନାମାକୁ ପାଳନ କରି ଜଲଦୀ ପରୀକ୍ଷା ସଂପର୍କରେ ସୂଚନା ପ୍ରଦାନ କରାଯିବ ।
ପଂଜାବ ସରକାର ସ୍କୁଲ ବନ୍ଦ କରିବା ସହିତ ରାଜ୍ୟର ୮ ଜିଲ୍ଲାରେ ନାଇଟ କର୍ଫ୍ୟୁ ଲଗାଇବା ପାଇଁ ନିର୍ଦ୍ଦେଶ ଦେଇଛନ୍ତି । ସୂଚନା ଅନୁସାରେ, ଫତେହଗଡ ସାହିବ, ଜଳନ୍ଧର, ହୋଶିୟାରପୁର, ପଟିଆଲା, କପୁରଥଲା, ଲୁଧିଆନା, ମୋହାଲୀ ଓ ନବାଂଶହରରେ ରାତି ୧୧ରୁ ସକାଳ ୫ଟା ପର୍ଯ୍ୟନ୍ତ ନାଇଟ କର୍ଫୁ ଲଗାଯାଇଛି ।
ଏହି ରାଜ୍ୟରେ ପୁଣି ବନ୍ଦ ହେଲା ସ୍କୁଲ
