ଷାଠିଏ ହଜାରରୁ ଉର୍ଦ୍ଧ୍ବ ଟଙ୍କାର ଶାଳକାଠ ଜବତ କଲା ଜଙ୍ଗଲ ବିଭାଗ

କେନ୍ଦୁଝର : ପାଟଣା ବନାଞ୍ଚଳ ଅଧିକାରୀକୁ ମିଳିଛି ବଡ଼ ସଫଳତା । ଉକ୍ତ ଅଧିକାରୀଙ୍କ ସାବଧାନତା ଯୋଗୁଁ ଧରା ପଡିଛି ଚୋରା ଚାଲାଣ ହେଉଥିବା ଶାଳ କାଠ । ଏକ ବାଲେରୋ ଯୋଗେ କରଞ୍ଜିଆ ଅଞ୍ଚଳରୁ ଉକ୍ତ ଚୋରା କାଠ ସବୁ ଆସୁଥିବା ଖବର ପାଇ ପାଟଣା ବନ ବିଭାଗ ଅଧିକାରୀ କୌଶଳ କ୍ରମେ ଏହାକୁ ଧରିଥିଲେ । ଡ୍ରାଇଭର ଫେରାର ହୋଇଯାଇଥିବା ବେଳେ ଷାଠିଏ ଖଣ୍ଡ ଶାଳ କାଠ ସହ ବାଲେରୋ କୁ ଜବତ କରିବାରେ ସଫଳ ହୋଇଥିଲା ବନ ବିଭାଗ । କାଠ ଗୁଡିକର ଆନୁମାନିକ ମୂଲ୍ୟ ଷାଠିଏ ହଜାର ରୁ ଉର୍ଦ୍ଧ୍ବ ହୋଇଥିବା ପ୍ରକାଶ କରିଛି ପାଟଣା ବନ ବିଭାଗ ।