ନୂଆଦିଲ୍ଲୀ : ବିଶ୍ୱ ସ୍ତରରେ କରୋନାର ସଂକ୍ରମଣ ଏବଂ କରୋନା ଭାଇରସର ପରିବର୍ତ୍ତନକୁ ଦୃଷ୍ଟିରେ ରଖି ଦକ୍ଷିଣ ଆଫ୍ରିକା, ବାଂଲାଦେଶ ଏବଂ ଚୀନ୍ ସମେତ 7 ଟି ଦେଶରୁ ଆସୁଥିବା ଯାତ୍ରୀମାନଙ୍କ ପାଇଁ ଭାରତ ସରକାର RT-PCR ପରୀକ୍ଷା ବାଧ୍ୟତାମୂଳକ କରିଛନ୍ତି । ଏହି ପରିପ୍ରେକ୍ଷୀରେ କେନ୍ଦ୍ର ସରକାର ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳଗୁଡିକୁ ଏକ ନୂତନ ଗାଇଡଲାଇନ ଜାରି କରିଛନ୍ତି ଏବଂ ଏହି ଗାଇଡଲାଇନର ନିୟମ ପାଳନ କରାଯିବା ଉଚିତ ବୋଲି କହିଛନ୍ତି । ଭାରତରେ ଡେଲଟା ଭାରିଆଣ୍ଟ ପ୍ରାଧାନ୍ୟ ବିସ୍ତାର କରୁଥିବାବେଳେ ଡେଲଟା ପ୍ଲସ ଭାରିଆଣ୍ଟର ରୋଗୀଙ୍କ ସଂଖ୍ୟା 30 କୁ ବୃଦ୍ଧି ପାଇଛି ।
ଆଇସିଏମଆର ଡିଜି ବଳରାମ ଭାର୍ଗବ ସରକାରଙ୍କୁ ଏକ ଚିଠି ଲେଖି କହିଛନ୍ତି ଯେ SARS-CoV-2 ରେ ନୂତନ ପରିବର୍ତ୍ତନ ଏବଂ ବିଶ୍ୱବ୍ୟାପୀ ଭାରିଏଣ୍ଟସ୍ ଅଫ୍ କନ୍ସର୍ନ (VOCs) ଏବଂ ଭାରିଏଣ୍ଟସ୍ ଅଫ୍ ଇଣ୍ଟେରେଷ୍ଟ (ଭୋଲ୍ସ) ର ବ୍ୟାପକତାକୁ ଦୃଷ୍ଟିରେ 7 ଟି ଦେଶରୁ ଆସୁଥିବା ନାଗରିକମାନେ ଭାରତର ବିମାନ ବନ୍ଦରରେ ଅବତରଣ କରିବା ମାତ୍ରେ RT-PCR ପରୀକ୍ଷା ବାଧ୍ୟତାମୂଳକ ହେବ । ଏହା ବ୍ୟତୀତ ତାଙ୍କୁ ଉଡ଼ାଣ ଭରିବା ଆଗରୁ ଆଉ ଏକ RT-PCR ପରୀକ୍ଷା କରାଇବାକୁ ପଡ଼ିବ ।
