ନିର୍ବାଚନ ମୈଦାନକୁ ଓହ୍ଲାଇଲେ ରୁଷି ସୁନକଙ୍କ ପତ୍ନୀ

ନୂଆଦିଲ୍ଲୀ : ବ୍ରିଟେନ ପ୍ରଧାନମନ୍ତ୍ରୀ ପଦ ପାଇଁ ନିର୍ବାଚନ ମୈଦାନକୁ ଓହ୍ଲାଇଥିବା ରୁଷି ସୁନକ ଙ୍କ ପ୍ରଚାର ଜୋରଦାର ରେ ଚାଲିଛି । ବ୍ରିଟେନର ଆଗାମୀ ପ୍ରଧାନମନ୍ତ୍ରୀ ଏବଂ କଞ୍ଜରଭେଟିଭ ପାର୍ଟି ନେତା ହେବା ରେସରେ ସବୁଠୁ ଆଗରେ ଥିବା ଭାରତୀୟ ବଂଶୋଦ୍ଭବ ଋଷି ସୁନକଙ୍କ ସହ ତାଙ୍କ ପତ୍ନୀ ଅକ୍ଷତା ମୂର୍ତ୍ତି ଶନିବାର ପ୍ରଥମ ଥର ଏକ ରାଲିରେ ସାମିଲ ହୋଇଥିଲେ । ଅକ୍ଷତା ମୂର୍ତ୍ତିଙ୍କ ସହ ତାଙ୍କର ଦୁଇ ଝିଅ କୃଷ୍ଣା ଏବଂ ଅନୁଷ୍କା ମଧ୍ୟ ଏହି ରାଲିରେ ସାମିଲ ହୋଇଥିଲେ । ପୂର୍ବତନ ପ୍ରଧାନମନ୍ତ୍ରୀ ମାଗରିଟ ଥୈଚରଙ୍କ ଜନ୍ମସ୍ଥାନ ଗ୍ରାନ୍ଥମରେ ଏହି ରାଲି ପରେ ଋଷି ସୁନକ ଇନଷ୍ଟାଗ୍ରାମରେ ଫଟୋ ପୋଷ୍ଟ କରି ଲେଖିଥିଲେ ଯେ, ମୋ ପାଇଁ ପରିବାର ହିଁ ସବୁକିଛି । ପରିବାରର ସମର୍ଥମ ପାଇଥିବାରୁ କୃତଜ୍ଞ । ସୁନକ ରାଲି ବେଳେ ତାଙ୍କ ଭାଷଣରେ କହିଥିଲେ ଯେ, ମୁଁ ଉପକ୍ଷିତ, ଏଥିରେ କୌଣସି ସନ୍ଦେହ ନାହିଁ । ଉଲ୍ଲେଖଯୋଗ୍ୟ ଯେ, ଅକ୍ଷତା ମୂର୍ତ୍ତି ଭାରତୀୟ ଆଇଟି କମ୍ପାନୀ ଇନଫୋସିସର ସଂସ୍ଥାପକ ନାରାୟଣ ମୂର୍ତ୍ତିଙ୍କ ଝିଅ । ଏବେ ଟ୍ୟାକ୍ସ ବିବାଦ ନେଇ ତାଙ୍କୁ ଲଗାତର ଟାର୍ଗେଟ୍ କରାଯାଉଛି । ଅକ୍ଷତା ମୂର୍ତ୍ତିଙ୍କ ବ୍ୟକ୍ତିଗତ ସମ୍ପତ୍ତିକୁ ନେଇ ମଧ୍ୟ ଋଷି ସୁନକଙ୍କୁ ଲଗାତର ଟାର୍ଗେଟ୍ କରାଯାଉଛି । ବ୍ରିଟେନ୍ ପ୍ରଧାନମନ୍ତ୍ରୀ ପଦବୀ ପାଇଁ ତାଙ୍କ ଅଭିଯାନ ଆରମ୍ଭ କରିବା ପୂର୍ବରୁ ହିଁ ତାଙ୍କୁ ଟାର୍ଗେଟ୍ କରାଯାଉଛି । ଅନେକ ମିଡିଆ ରିପୋର୍ଟରେ କୁହାଯାଉଛି ଯେ, ମୂର୍ତ୍ତି ମହାରାଣୀ ଏଲିଜାବେଥ୍ ଦ୍ବିତୀୟଙ୍କଠାରୁ ମଧ୍ୟ ଅଧିକ ଧନୀ । ଯଦିଓ ସୁନକ କହିଛନ୍ତି, ସେ ଥୈଚରଙ୍କ ମୂଲ୍ୟବୋଧକୁ ଆପଣାଇଛନ୍ତି । ସେ କଠୋର ପରିଶ୍ରମ, ପରିବାର ଏବଂ ଅଖଣ୍ଡତାରେ ବିଶ୍ବାସ କରନ୍ତି । ସେ ଥୈଚରାଇଟ୍ ଅଟନ୍ତି । ସେ ଥୈଚରଙ୍କ ବିଚାରଧାରାରେ ଚାଲିବା ଲୋକ । ସେ ଆହୁରି ଲେଖିଛନ୍ତି ଯେ, ସେ ଏଭଳି ସୁଧାରକୁ ନେଇ କାର‌୍ୟ୍ୟ କରିବେ ଯାହା ବିକାଶ ଏବଂ ସମାଜ ଏବଂ ସଂସ୍କୃତିକୁ ଆଗକୁ ନେବ ।