ବିବାହ ପ୍ରତିଶ୍ରୁତି ଦେଇ ଦୁଷ୍କର୍ମ ଅଭିଯୋଗ: ପ୍ରେମିକ ନେଇଥିଲେ ୨୦ ଲକ୍ଷ ଟଙ୍କା

ନୂଆଦିଲ୍ଲୀ: ଉତ୍ତରପ୍ରଦେଶର ବିଜନୋରରୁ ଆସିଛି ଚାଞ୍ଚଲ୍ୟକର ଅଭିଯୋଗ । ଜଣେ ମହିଳା ତାଙ୍କ ପ୍ରେମିକଙ୍କ ବିରୋଧରେ ବିବାହର ପ୍ରତିଶ୍ରୁତି ଦେଇ ଦୁଷ୍କର୍ମ କରିବା ଏବଂ ପରେ ଟଙ୍କା ନେଇ ଧୋକା ଦେବାର ଅଭିଯୋଗ ଆଣିଛନ୍ତି । ମହିଳାଙ୍କ ଦାବି ଅନୁସାରେ, ଅଭିଯୁକ୍ତ ତାଙ୍କଠାରୁ ପ୍ରାୟ ୨୦ ଲକ୍ଷ ଟଙ୍କା ମଧ୍ୟ ନେଇଛନ୍ତି । ମହିଳାଙ୍କ ଅଭିଯୋଗ ଅନୁସାରେ, ଅଭିଯୁକ୍ତ ଯୁବକ ତାଙ୍କ ସହ ସମ୍ପର୍କରେ ଥିଲେ । ବିବାହ କରିବାର ପ୍ରତିଶ୍ରୁତି ଦେଇ ସେ ମହିଳାଙ୍କ ସହ ଶାରୀରିକ ସମ୍ପର୍କ ରଖିଥିବା ଅଭିଯୋଗ ହୋଇଛି । ପରେ ବିବାହ କରିବାକୁ ନେଇ ଟାଳଟୁଳ କରିବା ସହ ଟଙ୍କା ନେଇଥିବା ମହିଳା ଅଭିଯୋଗ କରିଛନ୍ତି ।ଏହି ଘଟଣାକୁ ନେଇ ମହିଳା ଜଣକ ପୋଲିସର ଦ୍ୱାରସ୍ଥ ହୋଇଛନ୍ତି । ଅଭିଯୋଗର ଆଧାରରେ ପୁଲିସ ଘଟଣାର ତଦନ୍ତ କରୁଛି । ଅଭିଯୋଗରେ କେତେ ସତ୍ୟତା ରହିଛି, ଟଙ୍କା ନେଣଦେଣ ଏବଂ ଦୁଇଜଣଙ୍କ ମଧ୍ୟରେ ଥିବା ସମ୍ପର୍କର ସମସ୍ତ ଦିଗକୁ ତଦନ୍ତ କରାଯାଉଛି । ତେବେ ମହିଳାଙ୍କ ଅଭିଯୋଗ ଅନୁସାରେ ବିବାହର ପ୍ରତିଶ୍ରୁତି, ଦୁଷ୍କର୍ମ ଅଭିଯୋଗ ଏବଂ ୨୦ ଲକ୍ଷ ଟଙ୍କାର ନେଣଦେଣ ମାମଲାକୁ ଆହୁରି ଗମ୍ଭୀର କରିଛି । ପୁଲିସର ତଦନ୍ତ ପରେ ହିଁ ଘଟଣାର ପ୍ରକୃତ ସତ୍ୟ ସାମ୍ନାକୁ ଆସିବ ।