କର୍ଣ୍ଣାଟକରେ ପହଞ୍ଚିଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ଦିନ କର୍ଣ୍ଣାଟକର ଉଡୁପିରେ ଏକ କାର୍ଯ୍ୟକ୍ରମରେ ଯୋଗଦେଇ କହିଛନ୍ତି ଉଡୁପି ଭୂମି ପରିଦର୍ଶନ କରିବା ତାଙ୍କ ପାଇଁ ସର୍ବଦା ଏକ ସୁନ୍ଦର ଅଭିଜ୍ଞତା ହୋଇଆସିଛି ଏବଂ ଏଥର ଏହି ଅବସର ଅନେକ କାରଣ ପାଇଁ ଆହୁରି ସ୍ୱତନ୍ତ୍ର ହୋଇଯାଇଛି। ଏଠାରେ ସ୍ଥାପିତ ଭଗବାନ ଶ୍ରୀକୃଷ୍ଣଙ୍କ ମୂର୍ତ୍ତିକୁ ପ୍ରଥମେ ଦ୍ୱାରକାରେ ମାତା ରୁକ୍ମିଣୀ ପୂଜା କରିଥିଲେ। ପରେ, ଜଗଦଗୁରୁ ଶ୍ରୀ ମାଧବାଚାର୍ଯ୍ୟ ଏହି ମୂର୍ତ୍ତିକୁ ଉଡୁପିରେ ସ୍ଥାପନ କରିଥିଲେ।  ପ୍ରଧାନମନ୍ତ୍ରୀ ମୋଦୀ କହିଛନ୍ତି, “ମୁଁ ଗୁଜରାଟରେ ଜନ୍ମଗ୍ରହଣ କରିଛି। ଗୁଜରାଟ ଏବଂ ଉଡୁପି ମଧ୍ୟରେ ଗଭୀର ଏବଂ ସ୍ୱତନ୍ତ୍ର ସମ୍ପର୍କ ରହିଛି। ଉଡୁପି ଜନସଂଘ ଏବଂ ବିଜେପିର ସୁଶାସନ ମଡେଲର ଏକ ଗୁରୁତ୍ୱପୂର୍ଣ୍ଣ କେନ୍ଦ୍ର ହୋଇଆସିଛି। ଏହି ପ୍ରତିମା ଦର୍ଶନ ମୋତେ ଗଭୀର ଏବଂ ଆଧ୍ୟାତ୍ମିକ ଆନନ୍ଦ ଦେଇଛି।” ଏହି କାର୍ଯ୍ୟକ୍ରମ ସମୟରେ, ପ୍ରଧାନମନ୍ତ୍ରୀ ମୋଦୀ ଅଯୋଧ୍ୟା ଯାତ୍ରା ବିଷୟରେ ଉଲ୍ଲେଖ କରି କହିଥିଲେ ଯେ କିଛି ଦିନ ପୂର୍ବେ, ନଭେମ୍ବର 25 ତାରିଖରେ, ରାମ ଜନ୍ମଭୂମି ମନ୍ଦିରରେ ଧର୍ମଧ୍ୱଜ ଉତ୍ତୋଳନ କରାଯାଇଥିଲା, ଏବଂ ସମଗ୍ର ଦେଶ ଏହି ଐତିହାସିକ ମୁହୂର୍ତ୍ତର ସାକ୍ଷୀ ହୋଇଥିଲା। ଅଯୋଧ୍ୟାରୁ ଉଡୁପି ପର୍ଯ୍ୟନ୍ତ ଶ୍ରୀରାମଙ୍କ ଅଗଣିତ ଭକ୍ତ ଏହି ପବିତ୍ର ମୁହୂର୍ତ୍ତର ସାକ୍ଷୀ ହୋଇଥିଲେ। ରାମ ମନ୍ଦିର ଆନ୍ଦୋଳନରେ ଉଡୁପିର ଗୁରୁତ୍ୱପୂର୍ଣ୍ଣ ଭୂମିକା ସମଗ୍ର ଦେଶ ଜାଣନ୍ତି।