ନବାନ୍ନ ଉତ୍ସବ ପାଇଁ ମହିମାଗାଦିରେ ପ୍ରସ୍ତୁତି

ଢେଙ୍କାନାଳ : ବିଶ୍ୱପ୍ରସିଦ୍ଧ ମହିମାଗାଦି ଯୋରନ୍ଦା ଠାରେ ଆସନ୍ତା ଶୁକ୍ଲପକ୍ଷ ଦ୍ୱିତୀୟା ଦିନରେ ନବାନ୍ନ ଉତ୍ସବ ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି । ପ୍ରଭୁଙ୍କୁ ଅର୍ପଣ କରାଯିବା ପାଇଁ ନବାନ୍ନ ଚୁଡା, ଗୁଡ, ନଡିଆ, ସୁସ୍ୱାଦୁଫଳ, ଗୁଜୁରାତି, ଲବଙ୍ଗ, ଅଳେଇଚ ଆଦି ଅଣାଯାଇ ଭଣ୍ଡାର ଘରେ ରଖାଯାଇଛି । ଓଡିଶାର ବିଭିନ୍ନ ଅଚଂଳରୁ ସାଧୁସନ୍ଥମାନେ ଆସି ଗଦାହେଲେଣି । ରାଜ୍ୟ ସରକାରଙ୍କ କୋଭିଡ୍ ଗାଇଡ୍ ଲାଇନ୍ ପାଳନ ପୁର୍ବକ ସମସ୍ତ କାର୍ଯ୍ୟ କରାଯିବ । ସତ୍ୟ ମହିମା ଧର୍ମଜାତ ନୀତି ଅନୁସାରେ ଆସନ୍ତା କାଲି ପ୍ରାତଃ ସମୟରେ ୭ ଜଣ ତ୍ୟାଗୀ ୭ଟି ନୂତନ ମାଟି ହାଣ୍ଡିରେ ନବାନ୍ନ ଅହ୍ମଣିଆ ମଣ୍ଡପଠାରେ ଅର୍ପଣ କରାଯିବ । ପରେ ପରେ ବାଲ୍ୟ ଭୋଗ କରାଯାଇ ସମସ୍ତ ସାଧୁସନ୍ଥ ଓ ଭକ୍ତ ମାନଙ୍କୁ ଅର୍ପଣ କରାଯିବ ।