ଭୁବନେଶ୍ୱର: ପୁଦିନା ଏକ ଗୁଳ୍ମ ଜାତୀୟ ଉଦ୍ଭିଦ । ଏହା ଅତି ବେଶୀରେ ଏକ ଫୁଟ ପର୍ଯ୍ୟନ୍ତ ବଢ଼ିଥାଏ । ଏହାର ସର୍ବାଙ୍ଗ ସୁଗନ୍ଧମୟ । ଏହା ଏକ ଲୋକପ୍ରିୟ ତଥା ଉପକାରୀ ବନୌଷଧୀ । ବର୍ତ୍ତମାନ କରୋନା ମହାମାରୀ ସମୟରେ ସମସ୍ତେ ନିଜ ସ୍ୱାସ୍ଥ୍ୟ ପ୍ରତି ବେଶ ଯତ୍ନବାନ ହେଉଛନ୍ତି । ନିଜର ରୋଗ ପ୍ରତିରୋଧକ କ୍ଷମତା ବୃଦ୍ଧି କରିବା ପାଇଁ ଲୋକମାନେ ବିଭିନ୍ନ ଉପାୟ ଆପଣାଉଛନ୍ତି । ତେଣୁ ବର୍ତ୍ତମାନ ପରିସ୍ଥିତିରେ ନିୟମିତ ଚା’ ପିଇବା ବଦଳରେ ରୋଗ ପ୍ରତିରୋଧକ ଶକ୍ତି ବଢ଼ାଉଥିବା ଚା’ ପିଇବା ଉଚିତ। ନିୟମିତ ସକାଳୁ ପୋଦିନା ଚା’ ପିଇବା ଅଭ୍ୟାସ କରନ୍ତୁ । ପୋଦିନା ଓ ରୋଜମାରୀ ଦ୍ଵାରା ପ୍ରସ୍ତୁତ ଚା’ ମନକୁ ସତେଜ ରଖିବା ସହ ସ୍ମୃତି ଶକ୍ତି ବୃଦ୍ଧିରେ ସାହଯ୍ୟ କରିଥାଏ ।
ପୋଦିନା ଚା’ର ଉପକାରିତା
ପୋଦିନାରେ ଅନେକ ପୋଷକ ତତ୍ତ୍ୱ ରହିଛି ଯାହା ଶରୀରର ରୋଗ ପ୍ରତିରୋଧକ ଶକ୍ତି ବୃଦ୍ଧି କରିଥାଏ
ଯେ କୌଣସି ପେଟ ଜନିତ ସମସ୍ୟାରୁ ରକ୍ଷା ପାଇବା ପାଇଁ ପୋଦିନା ଚା’ ପିଅନ୍ତୁ
ଖାଦ୍ୟ ହଜମ ଏବଂ ଆଲର୍ଜି ଜନିତ ସମସ୍ୟାରୁ ଉପଶମ ପାଇଁ ପୋଦିନା ଚା’ ସବୁଠାରୁ ଭଲ ବିକଳ୍ପ
ପୋଦିନା ଚା’ ପିଇବା ଫଳରେ ମସ୍ତିଷ୍କ ସୁସ୍ଥ ରହିବା ସହ ସ୍ମୃତି ଶକ୍ତିରେ ଉନ୍ନତି ଆସିଥାଏ
ସ୍ତନ୍ୟପାନ ଜନିତ ସମସ୍ତେ ସମସ୍ୟାର ସମାଧାନ ପାଇଁ ପୋଦିନା ଚା’ ପିଇବା ଆବଶ୍ୟକ
ଥଣ୍ଡା ହୋଇଥିଲେ ପୋଦିନା ଚା’ ପିଇବା ଫଳରେ ଆରାମ ମିଳିଥାଏ
ପାଟିରୁ ଦୁର୍ଗନ୍ଧ ବାହାରୁଥିଲେ ପୋଦିନା ଚା’ ପିଅନ୍ତୁ। ପାଟି ଗନ୍ଧ ଦୂର ହୋଇଥାଏ
