କରାଚି : ପାକିସ୍ତାନ କ୍ରିକେଟ୍ ବୋର୍ଡ (ପିସିବି) ଟି-୨୦ ବିଶ୍ୱକପ୍ ପୂର୍ବରୁ ଚଳିତ ବର୍ଷ ଏପ୍ରିଲ୍ରେ ନ୍ୟୁଜିଲାଣ୍ଡ ବିପକ୍ଷରେ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ଆୟୋଜନ କରିବ । ତାରିଖ ଏବଂ ଭେନ୍ୟୁକୁ ନେଇ ନ୍ୟୁଜିଲାଣ୍ଡ କ୍ରିକେଟ୍ ବୋର୍ଡ ସହିତ ଆଲୋଚନା ଚାଲିଛି । ତେବେ ଏହି ୱିଣ୍ଡୋ ଏପ୍ରିଲ୍ ୧୩ରୁ ୨୪ ତାରିଖ ମଧ୍ୟ ହେବ ବୋଲି ପିସିବି ଅଧିକାରୀ କହିଛନ୍ତି ।
ବିଶ୍ୱକପ୍ ପ୍ରସ୍ତୁତି ନିମନ୍ତେ ଏହି ସିରାଜ୍ ଆୟୋଜିତ ହେବ ବୋଲି ଅଧିକାରୀ ଜଣକ କହିଛନ୍ତି । ଏହି ସିରିଜ୍ ଲାହୋର ଓ ରାୱଲ୍ପିଣ୍ଡିଆରେ ଆୟୋଜିତ ହେବାର ସମ୍ଭାବନା ରହିଛି । ପୂର୍ବରୁ ଚଳିତ ବର୍ଷ ଜାନୁଆରୀ ୧୨ରୁ ୨୧ ତାରିଖ ପର୍ଯ୍ୟନ୍ତ ନ୍ୟୁଜିଲାଣ୍ଡ୍ରେ ଆୟୋଜିତ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ରେ ପାକିସ୍ତାନ ୪-୧ରେ ପରାଜିତ ହୋଇଥିଲା । ସିରିଜ୍ର ପ୍ରଥମ ୪ଟି ମ୍ୟାଚ୍ ନ୍ୟୁଜିଲାଣ୍ଡ ଜିତିଥିବା ବେଳେ ଅନ୍ତି ମ୍ୟାଚ୍ରେ ପାକିସ୍ତାନ ବିଜୟୀ ହୋଇଥିଲା । ବିଶ୍ୱକପ୍ ପୂର୍ବରୁ ପାକିସ୍ତାନ କ୍ରିକେଟ୍ ଟିମ୍ ଇଂଲଣ୍ଡ ବିପକ୍ଷରେ ଚାରି ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ମଧ୍ୟ ଖେଳିବ । ସିରିଜ୍ର ଇଂଲଣ୍ଡରେ ଖେଳାଯିବାକୁ ଥିବାବେଳେ ମ୍ୟାଚ୍ଗୁଡ଼ିକ ମେ ୨୨ରୁ ୨୮ ତାରିଖ ମଧ୍ୟରେ ଖେଳାଯିବ।
