ମତଦାନ ପୂର୍ବରୁ ହିଂସାକାଣ୍ଡ : ଫୁଟିଲା ବୋମା, ଗଡ଼ିଲା ମୁଣ୍ଡ

ନୟାଗଡ଼ : ନିର୍ବାଚନ ପୂର୍ବରୁ ପୁଣି ହିଂସାକାଣ୍ଡ । ବମରେ ଉଡିଲା ମୁଣ୍ଡ । ଏଭଳି ଖବର ଆସିଛି ନୟାଗଡ଼ ଜିଲ୍ଲାରୁ । ନୟାଗଡ଼ ଖଣ୍ଡପଡା ଥାନା ବଦଶା ଗାଁରେ ହିଂସା କାଣ୍ଡ । ବୋମା ମାଡ଼ରେ ଜଣେ ମୃତ, ଦୁଇ ଆହତ । ମୃତ ବ୍ୟକ୍ତିଙ୍କ ନାମ ପ୍ରଶାନ୍ତ ତାରେଣିଆ । ଆହତ ବ୍ୟକ୍ତିଙ୍କୁ ଖଣ୍ଡପଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ସୂଚନାଯୋଗ୍ୟ, ଆସନ୍ତାକାଲି ପଞ୍ଚମ ପର୍ଯ୍ୟାୟରେ ମତଦାନ ହେବ । ମତଦାନ ପୂର୍ବରୁ ହିଂସାକାଣ୍ଡ ଦେଖାଦେଇଛି । ଘଟଣାସ୍ଥଳରେ ଖଣ୍ଡପଡା ପୋଲିସ ପହଞ୍ଚି ତଦନ୍ତ ଚଳାଇଛି । ଖଣ୍ଡପଡ଼ାରେ ଆସନ୍ତାକାଲ ନିର୍ବାଚନ ହେବାକୁ ଥିବା ବେଳେ ବୋମାମାଡ଼ରେ ଯୁବକଙ୍କ ମୃତ୍ୟୁ ପରେ ଗାଁରେ ଉତ୍ତେଜନା ଲାଗି ରହିଛି । ଘଟଣାସ୍ଥଳରେ ଖଣ୍ଡପଡ଼ା ଥାନା ପୋଲିସ, ଏସଡିପିଓ ଓ ନୟାଗଡ଼ ଏସପି ପହଞ୍ଚି ସ୍ଥିତି ଉପରେ ନଜର ରଖିଛନ୍ତି । ବୋମାମାଡ଼ କରିଥିବା ଯୁବକ ଜଣଙ୍କ ସେହି ଗାଁର ନରେଶ ମାଝୀ ଓରଫ କାମେନା ବୋଲି କହିଛନ୍ତି ଗ୍ରାମବାସୀ । ସେ ଜଣେ କୁଖ୍ୟାତ ଅପରାଧୀ ହୋଇଥିବା ବେଳେ ତା’ନାଁରେ ପୂର୍ବରୁ ଥାନାରେ ମାମଲା ରହିଛି । ଗାଁରେ ଉତ୍ତେଜନା ଲାଗି ରହିଛି । ଲୋକେ ଭଙ୍ଗାରୁଜା କରିଛନ୍ତି ।