ଆଇଓସିଏଲ, ବିପିସିଏଲ ଏବଂ ଏଚପିସିଏଲ ଏହି ସହାୟତା କାମରେ ଲାଗିଛନ୍ତି
ଲକ୍ ଡାଉନ ଭଳି ସଂକଟରେ ଦେଶର ଉର୍ଜା ଆବଶ୍ୟକତାକୁ ସୁନିଶ୍ଚିତ କରିଛି ତୈଳ ବିପଣନ କମ୍ପାନୀ
ଏଲପିଜି ବିତରଣ ସହ ସଂପୃକ୍ତ ବ୍ୟକ୍ତିଙ୍କ କରୋନା ଯୋଗୁଁ ମୃତ୍ୟୁ ଘଟିଲେ ୫ ଲକ୍ଷ ସହାୟତା
ଉଜ୍ଜଳା ହିତାଧିକାରୀଙ୍କୁ ମାଗଣାରେ ଆଗାମୀ ତିନି ମାସ ପାଇଁ ମିଳିବ ୩ଟି ସିଲିଣ୍ଡର
ଦେଶରେ ନିରନ୍ତର ଏଲପିଜି ଯୋଗାଣ ଜାରୀ
ପ୍ରଧାନମନ୍ତ୍ରୀ କେୟାର୍ସ ଫଣ୍ଡକୁ ତୈଳ ରାଷ୍ଟ୍ରାୟତ ଉଦ୍ୟୋଗ ଓ କର୍ମଚାରୀ ୧୦୯୨ କୋଟି ଟଙ୍କା ଦାନ
ଭୁବନେଶ୍ୱର – ଦେଶରେ କରୋନା ସଂକ୍ରମଣ ତଥା ଲକ୍ ଡାଉନ୍ ଭଳି ସମୟରେ ତୈଳ ବିପଣନ କମ୍ପାନୀ
ଯଥା ଆଇଓସିଏଲ, ବିପିସିଏଲ ଏବଂ ଏଚପିସିଏଲ୍ ଦେଶର ଉର୍ଜା ଆବଶ୍ୟକତାକୁ ସୁନିଶ୍ଚିତ କରିଛନ୍ତି । ତୈଳ ଏବଂ ଗ୍ୟାସ
ଶିଳ୍ପର ବରିଷ୍ଠ କର୍ମଚାରୀମାନେ ସାମାଜିକ ଦୂରତ୍ୱ, ସ୍ୱଚ୍ଛତା ଓ ଅନ୍ୟ ସୁରକ୍ଷା ଅବଲମ୍ବନ ନିୟମ ଦ୍ୱାରା ଗ୍ରାହକଙ୍କ ପାଖରେ
ପେଟ୍ରୋଲ, ଏଲପିଜି, ଡିଜେଲ୍ ଉପଲବ୍ଧ କରିବା ପାଇଁ ଦିନ ରାତି କାମ କରୁଛନ୍ତି ।
ଏଲପିଜି ବିତରଣ ସମୟରେ କରୋନା ସଂକ୍ରମଣ ବା ପ୍ରଭାବରେ କାର୍ଯ୍ୟରତ କର୍ମଚାରୀ ଯଥା ସୋ-ରୁମ ଷ୍ଟାଫ୍, ଗୋଦାମ
କିପର, ମେକାନିକ୍ ଓ ଡେଲିଭରି ବୟଙ୍କ ମୃତ୍ୟୁ ଘଟିଲେ ସେମାନଙ୍କୁ ସହାୟତା ସ୍ୱରୂପ ୫ ଲକ୍ଷ ଲେଖାଏଁ ଟଙ୍କା ଦିଆଯିବ
ବୋଲି ଦେଶର ତୈଳ ବିପଣନ କମ୍ପାନୀ ଆଇଓସିଏଲ, ବିପିସିଏଲ ଓ ଏଚପିସିଏଲ ପକ୍ଷରୁ ନିଷ୍ପତି ନିଆଯାଇଛି ।
ସେହିପରି ଉଜ୍ଜଳା ହିତାଧିକାରୀଙ୍କୁ ଏପ୍ରିଲ ପହିଲାରୁ ୩ଟି ସିଲିଣ୍ଡର ମାଗଣାରେ ଆଗାମୀ ତିନି ମାସ ପାଇଁ ପ୍ରଦାନ କରାଯିବା
ନେଇ ଭାରତ ସରକାର ଘୋଷଣା କରିଛନ୍ତି । ଯଦ୍ୱାରା ପ୍ରଧାନମନ୍ତ୍ରୀ ଉଜ୍ଜଳା ଯୋଜନାରେ ଥିବା ୮ କୋଟି ହିତାଧିକାରୀ
ଲାଭ ପାଇବେ । ଅପରପକ୍ଷରେ ତୈଳ ବିପଣନ କମ୍ପାନୀଙ୍କ ପକ୍ଷରୁ ଦେଶରେ ନିରନ୍ତର ଏଲପିଜି ଯୋଗାଣ କରାଯାଉଛି ।
ଏଲପିଜି ବିତରଣକାରୀ ସଂପୃକ୍ତ ରାଜ୍ୟ ସରକାର ତଥା ସ୍ଥାନୀୟ ପ୍ରଶାସନର ଗାଇଡଲାଇନ ଅନୁସାରେ ପରିଚାଳିତ ହେଉଛିା
ଏଲପିଜି ଏକ ଅତ୍ୟାବଶ୍ୟକ ସାମଗ୍ରୀ ହୋଇଥିବାରୁ ଲକ୍ ଡାଉନରୁ ଏଲପିଜି ଯୋଗାଣକୁ ଅବ୍ୟାହତି ଦିଆଯାଇଛି । ଦେଶରେ
ଓ ସମସ୍ତ ଉପଭୋକ୍ତାଙ୍କ ପାଖରେ ନିରନ୍ତର ଏଲପିଜି ଯୋଗାଣ ବଜାୟ ଜାରି ରହିଛି । ଦେଶରେ ବହୁତ ପରିମାଣର
ଏଲପିଜି ଗଚ୍ଛିତ ହୋଇ ରହିଥିବା ବେଳେ ଲୋକଙ୍କୁ ଭୟଭୀତ ନହୋଇ କିଣିବାକୁ ପରାମର୍ଶ ଦିଆଯାଇଛି ।
ଜନସାଧାରଣଙ୍କ ପାଇଁ ଅତ୍ୟାବଶ୍ୟକ ପେଟ୍ରୋଲିୟମଜାତ ଦ୍ରବ୍ୟକୁ ମଧ୍ୟ ସଠିକ୍ ଭାବରେ ଉପଲବ୍ଧ କରାଯାଉଛି । ଏଲପିଜି
ଯୋଗାଣ ବ୍ୟତିତ ତୈଳ ବିପଣନର ଆଉଟଲେଟ୍ ଗୁଡିକ ମଧ୍ୟ ରାଜ୍ୟ ସରକାର ଓ ସ୍ଥାନୀୟ ପ୍ରଶାସନର ସହମତିରେ
ପରିଚାଳିତ ହେଉଛି । କର୍ପୋରେସନ ଟର୍ମିନାଲ, ଫୁଏଲ ଷ୍ଟେସନ, ଡିଜେଲ ଭଳି ଅତ୍ୟାବଶ୍ୟକ ଦ୍ରବ୍ୟ ମଧ୍ୟ ଗଚ୍ଛିତ
ହୋଇରହିଛି । ତେଣୁ ଲୋକଙ୍କୁ ଭୟଭୀତ ନହେବାକୁ ସଂସ୍ଥା ପକ୍ଷରୁ କୁହାଯାଇଛି ।
ଏହାବ୍ୟତିତ କୋଭିଡ- ୧୯ ବା ଲକ୍ ଡାଉନ କାରଣରୁ ଅର୍ଥନୈତିକ ପରିସ୍ଥିତ ସତ୍ୱେ ଏଭଳି ସମୟରେ “ହର୍ ଏକ
କାମ୍,ଦେଶ୍ କେ ନାମ” ତଥା ସମାଜର ସୁବିଧା ପାଇଁ ତୈଳ ବିପଣନ ସଂସ୍ଥାର କର୍ମଚାରୀମାନେ ୨ ଦିନର ଦରମା
ପ୍ରଧାନମନ୍ତ୍ରୀ କେୟାର୍ସ ଫଣ୍ଡକୁ ଦାନ କରିଛନ୍ତି । ସେହିପରି ତୈଳ ଓ ଗ୍ୟାସ କମ୍ପାନୀମାନେ ମଧ୍ୟ ପିଏମ କେୟାର୍ସ ଫଣ୍ଡକୁ
୧୦୩୧.୨୯ କୋଟି ଦାନ କରିଥିବା ବେଳେ ଅତରିକ୍ତ ଭାବେ ତୈଳ ରାଷ୍ଟ୍ରାୟତ ଉଦ୍ୟୋଗର କର୍ମଚାରୀମାନେ ୬୧
କୋଟି ଟଙ୍କା ଦାନ କରିଛନ୍ତି ।
ଏହି ପରିପ୍ରେକ୍ଷୀରେ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ତୈଳ ବିପଣନ କମ୍ପାନୀ
ମାନଙ୍କର ବିଭିନ୍ନ ପଦକ୍ଷେପକୁ ପ୍ରଶଂସା କରିଛନ୍ତି । ଶ୍ରୀ ପ୍ରଧାନ ଟ୍ୱିଟ୍ କରି ଉଲ୍ଲଖ କରିଛନ୍ତି ଯେ ଇଣ୍ଡିଆନ ଅଏଲ, ବିପିସିଏଲ
ଏବଂ ଏଚପିସିଏଲ ଦ୍ୱାରା ନିଆଯାଇଥିବା ନିଷ୍ପତି ସ୍ୱାଗତଯୋଗ୍ୟ । ବର୍ତମାନ ସମୟରେ ଆମର ବ୍ୟକ୍ତିବିଶେଷଙ୍କ ଦ୍ୱାରା
ଦିଆଯାଉଥିବା ସେବା ହିଁ ଆମର ପରିଚୟ । କର୍ମଚାରୀଙ୍କ ସୁରକ୍ଷା ଓ ସୁସ୍ଥତା ଆମ ପାଇଁ ପ୍ରାଥମିକତା ଓ ଗୁରୁତ୍ୱପୂର୍ଣ୍ଣ । ଏହି
ସହାନୁଭୂତିଶୀଳ ପଦକ୍ଷେପ ଶ୍ରମିକଙ୍କ ସୁରକ୍ଷାକୁ ମଜବୁ୍ତ୍ କରିବା ସହ ସେମାନଙ୍କୁ ଭାରତ କରୋନା ଯୁଦ୍ଧରେ ଲଢିବାକୁ
ସାହାଯ୍ୟ କରିବ ।
“କରୋନା ମୁକାବିଲା ତଥା ଲକ୍ ଡାଉନ୍ ସମୟରେ ତୈଳ ବିପଣନ କମ୍ପାନୀ ଲୋକମାନଙ୍କୁ ନିରନ୍ତର ଅତ୍ୟାବଶ୍ୟକ ସେବା ଯୋଗାଉଛନ୍ତି”
