24.1 C
Bhubaneswar
Saturday, March 2, 2024
Homeଦେଶ ବିଦେଶଶାହାରୁଖ ଖାନଙ୍କ ଠାରୁ ବଡ଼ ଜାତୀୟତାବାଦୀ କେହି ନୁହଁନ୍ତି: ଅଭିଜିତ୍ ଭଟ୍ଟାଚାର୍ଯ୍ୟ

ଶାହାରୁଖ ଖାନଙ୍କ ଠାରୁ ବଡ଼ ଜାତୀୟତାବାଦୀ କେହି ନୁହଁନ୍ତି: ଅଭିଜିତ୍ ଭଟ୍ଟାଚାର୍ଯ୍ୟ

ମୁମ୍ୱାଇ : ବଲିଉଡର ବାଦଶାହା ଶାହାରୁଖ୍ ଖାନ୍ । ଚଳଚ୍ଚିତ୍ରରେ ଅନେକ ଭିନ୍ନ ଚରିତ୍ରରେ କରିଛନ୍ତି ଅଭିନୟ । ସୃଷ୍ଟି କରିଛନ୍ତି ନିଜର ସ୍ୱତନ୍ତ୍ର ପରିଚୟ । ତାଙ୍କ କ୍ୟାରିୟରରେ ଏପର୍ଯ୍ୟନ୍ତ ଶାହାରୁଖ ଖାନ ଅନେକ କଳାକାର ଏବଂ ଗାୟକଙ୍କ ସହ କାମ କରିଛନ୍ତି । ସେଥିମଧ୍ୟରୁ ଗାୟକ ଅଭିଜିତ୍ ଭଟ୍ଟାଚାର୍ଯ୍ୟ ଅନ୍ୟତମ ।

ଅଭିଜିତ୍ ଭଟ୍ଟାଚାର୍ଯ୍ୟ ଶାହାରୁଖଙ୍କ ଅନେକ ଚଳଚ୍ଚିତ୍ରରେ ଗାଇଛନ୍ତି ଗୀତ । ଚଳଚ୍ଚିତ୍ର ‘ଅଞ୍ଜାମ’ର’ ବଡି ମୁସ୍କିଲ୍ ହୈ’, ବସ୍ ‘ଚଳଚ୍ଚିତ୍ରର’ ମେ କୋଇ ଏସା ଗୀତ୍ ଗାଉଁ ‘ଏବଂ’ ମେ ହୁନ୍ ନା ‘ଚଳଚ୍ଚିତ୍ରର’ ତୁମେ ଜୋ ମେନେ ଦେଖା ‘ଭଳି ଗୀତଗୁଡ଼ିକ ଗାଇଥିଲେ ଅଭିଜିତ । ଯାହାକି ରାତାରାତି ହୋଇଥିଲା ହିଟ୍ । ଫିଲ୍ମ ‘ବିଲୁ’ ହେଉଛି ଶେଷ ଚଳଚ୍ଚିତ୍ର ଯେଉଁଥିରେ ଗାୟକ ଶାହାରୁଖ ଖାନଙ୍କୁ ସ୍ୱର ଦେଇଥିଲେ ଅଭିଜିତ । ହେଲେ ଏବେ ଅଭିଜିତ ସାକ୍ଷାତକାରରେ ଶାହାରୁଖ ଖାନଙ୍କ ବିଷୟରେ କହିଛନ୍ତି ଏମିତି କିଛି ଯାହାକୁ ନେଇ ଆରମ୍ଭ ହୋଇଛି ଚର୍ଚ୍ଚା ।

ଗଣମାଧ୍ୟମ ସହ କଥାବାର୍ତ୍ତାରେ ଅଭିଜିତ କହିଛନ୍ତି ଯେ ମୋର ଏବଂ ଶାହାରୁଖ ଖାନଙ୍କ ବ୍ୟକ୍ତିତ୍ୱ ପରସ୍ପରଠାରୁ ସମ୍ପୂର୍ଣ୍ଣ ଭିନ୍ନ । ଗାୟକ ସୁପରଷ୍ଟାରଙ୍କୁ ପ୍ରଶଂସା କରି ତାଙ୍କୁ ଜଣେ ଆତ୍ମନିର୍ଭରଶୀଳ ବ୍ୟକ୍ତି ବୋଲି କହିଥିଲେ । ସେ କହିଛନ୍ତି ଯେ ଶାହାରୁଖଙ୍କର ଉଭୟ ଆତ୍ମ ସମ୍ମାନ ଏବଂ ଆତ୍ମବିଶ୍ୱାସ ରହିଛି । ଅଭିଜିତଙ୍କ କହିବା ଅନୁଯାୟୀ ଏହି ଗୁଣ ମଧ୍ୟ ତାଙ୍କ ଭିତରେ ଅଛି । ସେ କହିଥିଲେ, ‘ଆମ ଭିତରେ ଇଗୋ ନାହିଁ, କିନ୍ତୁ ଆମର ଆତ୍ମ ସମ୍ମାନ ଅଛି।’

ଗାୟକ କହିଥିଲେ ଯେ ସେ ଏବଂ ଶାହାରୁଖ ଖାନଙ୍କ ମଧ୍ୟରେ ବ୍ୟକ୍ତିତ୍ୱର ରହିଛି ଅନେକ ପାର୍ଥକ୍ୟ । ସେ ଏହା ମଧ୍ୟ କହିଛନ୍ତି ଯେ ଶାହାରୁଖ ଖାନ ଜଣେ ବ୍ୟବସାୟିକ ବ୍ୟକ୍ତି, ଯିଏ ଅନ୍ୟ ଲୋକଙ୍କୁ ବ୍ୟବହାର କରନ୍ତି ଏବଂ ତାଙ୍କ ସଫଳତାର ପଥରେ କାହାକୁ ଆସିବାକୁ ଦିଅନ୍ତି ନାହିଁ । ଅଭିଜିତ୍ ଆହୁରି କହିଛନ୍ତି ଶାହାରୁଖ ଖାନଙ୍କ ଠାରୁ ବଡ଼ ଜାତୀୟତାବାଦୀ କେହି ନୁହଁନ୍ତି । କାରଣ ତାଙ୍କ ଦ୍ୱାରା ନିର୍ମିତ ଚଳଚ୍ଚିତ୍ରଗୁଡିକ ‘ଫିର ଭି ଦିଲ୍ ହୈ ହିନ୍ଦୁସ୍ତାନୀ,’ ସ୍ୱେଦେଶ’, ଅଶୋକା ଭଳି ଭେଟି ଦେଇଛନ୍ତି ସୁପରହିଟ୍ ଚଳଚ୍ଚିତ୍ର । ତାଙ୍କ ବିରୋଧରେ ଏଭଳି ଅଭିଯୋଗ କିପରି କରାଯାଇପାରିବ?’

୨୦୧୬ ମସିହାରେ ଅଭିଜିତ୍ ଭଟ୍ଟାଚାର୍ଯ୍ୟ ହିଁ ଶାହାରୁଖ ଖାନ, ସଲମାନ ଖାନ ଏବଂ କରଣ ଜୋହରଙ୍କ ସମେତ ଅନ୍ୟ ତାରକାଙ୍କୁ ଗାଳି ଦେଇଥିଲେ । ଏହାର କାରଣ ହେଉଛି ପାକିସ୍ତାନୀ କଳାକାରମାନଙ୍କୁ କାମ ଦେବା । ସେତେବେଳେ ଉରିରେ ହୋଇଥିବା ଆତଙ୍କବାଦୀ ଆକ୍ରମଣକୁ ଦୃଷ୍ଟିରେ ରଖି ଭଟ୍ଟାଚାର୍ଯ୍ୟ କହିଥିଲେ ଯେ ଏହିପରି ଚଳଚ୍ଚିତ୍ର ନିର୍ମାତାମାନେ ଜାତୀୟ ବିରୋଧୀ, ଯେଉଁମାନେ ପାକିସ୍ତାନୀ କଳାକାରମାନଙ୍କୁ କାମ ଦେଉଛନ୍ତି ।

 

LEAVE A REPLY

Please enter your comment!
Please enter your name here

5,005FansLike
2,475FollowersFollow
12,700SubscribersSubscribe

Most Popular

HOT NEWS

Breaking