ତେଲ ଅଭିଭ୍ : ହମାସ ସହ ଇସ୍ରାଏଲ ଏବେ ଗତ ୬ମାସ ଧରି ଯୁଦ୍ଧ ଲଢ଼ୁଥିବା ବେଳେ ପ୍ରଥମ ଥର ପାଇଁ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁଙ୍କ ସ୍ୱାସ୍ଥ୍ୟାବସ୍ଥା ସମ୍ପର୍କରେ ସୂଚନା ସାମ୍ନାକୁ ଆସିଛି । ରିପୋର୍ଟ ଅନୁସାରେ ବେଞ୍ଜାମିନ୍ ନେତାନ୍ୟାହୁ ଏବେ ଅସୁସ୍ଥ ହୋଇପଡିଛନ୍ତି । ତାଙ୍କୁ ହସ୍ପିଟାଲରେ ଭର୍ତ୍ତି କରାଯିବା ସହ ଲାଇଫ୍ ସପୋର୍ଟ ସିଷ୍ଟମ୍ରେ ରଖି ଚିକିତ୍ସା କରାଯାଉଛି ।
ଅବଶ୍ୟ ଏସମ୍ପର୍କରେ ଇସ୍ରାଏଲ ସରକାରଙ୍କ ପକ୍ଷରୁ କୌଣସି ସୂଚନା ସାର୍ବଜନୀନ କରାଯାଇନଥିଲେ ମଧ୍ୟ ଗୁଇନ୍ଦା ଏଜେନ୍ସି ମୋସାହ ଏସମ୍ପର୍କରେ ଟ୍ୱିଟ୍ କରି ସୂଚନା ଦେଇଛି । ନେତାନ୍ୟାହୁଙ୍କୁ ହସ୍ପିଟାଲରେ ଭର୍ତ୍ତି କରାଯିବା ପରେ ଉପପ୍ରଧାନମନ୍ତ୍ରୀ ତଥା ଆଇନ୍ ମନ୍ତ୍ରୀ ୟାରିଭ୍ ଲେଭିନ୍ ଏବେ ପ୍ରଧାନମନ୍ତ୍ରୀ ପଦ ସମ୍ଭାଳୁଛନ୍ତି । ତେବେ ନେତାନ୍ୟାହୁଙ୍କ ଏପ୍ରକାର ସ୍ୱାସ୍ଥ୍ୟଗତ ସୂଚନା ସାମ୍ନାକୁ ଆସିବା ପରେ ପରେ ଦେଶବ୍ୟାପୀ ଚର୍ଚ୍ଚା ଆରମ୍ଭ ହୋଇଯାଇଛି । ନେତାନ୍ୟାହୁ ସମ୍ପ୍ରତି ହାର୍ଣ୍ଣିଆ ରୋଗରେ ପୀଡ଼ିତ ଥିବା ବେଳେ ତାଙ୍କ ଠାରେ ଅସ୍ତ୍ରେପଚାର କରାଯିବ ବୋଲି ଜଣାପଡିଛି ।
