ନବରଙ୍ଗପୁର: ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ଅନ୍ତର୍ଗତ କନାରିଛୁଆଁ ଗାଁ ରେ ଆଜି ଭୋର ୪ଟା ସମୟରେ ମା ଓ ଝିଅ ଶୋଇଥିବା ବେଳେ ସାପ କାମୁଡାରେ ମୃତ୍ୟୁ ହୋଇଯାଇଛି । ଏକ ବିଷାକ୍ତ ନାଗ ସାପ ପ୍ରଥମେ ମାଁ ବୁଦେଇ ଯାନୀ ଙ୍କୁ ଡାହାଣ ହାତ ରେ ଚୋଟ ମାରିବା ପରେ ସାପକୁ ହାତରେ ଫୋପାଡି ଦେଇଥିଲେ । ସେଇ ସମୟରେ ସାପଟି ଯାଇ ଝିଅ ଅସ୍ତି ଯାନୀ ଙ୍କ ଉପରେ ପଡିବା ପରେ ଝିଅ ର ବାମ ହାତ ରେ କାମୁଡି ଥିଲା । ସାପ କାମୁଡିବା ପରେ ମା ଓ ଝିଅଙ୍କୁ ଗ୍ରାମବାସୀ ନବରଙ୍ଗପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ଦୀର୍ଘ ଆଠ ଘଣ୍ଟା ର ସମସ୍ତ ଉଦ୍ୟମ ପରେ ମଧ୍ୟ ସେମାନଙ୍କ ଜୀବନ ବଞ୍ଚାଇ ପାରି ନଥିଲେ ଡାକ୍ତର । ଶେଷରେ ତାଙ୍କର ମୃତ୍ୟୁ ହୋଇଯାଇଛି । ପୋଲିସ ଘଟଣା ସ୍ଥଳରେ ପହଞ୍ଚି ମୃତକଙ୍କ ଶବ ବ୍ୟବଛେଦ କରି ପରିବାର ଲୋକ ଙ୍କୁ ହସ୍ତାନ୍ତର କରିଛନ୍ତି।
