ଭୁବନେଶ୍ୱର: ବାତ୍ୟା ‘ମିଗ୍ଜୋମ୍’ପ୍ରଭାବରେ ଓଡ଼ିଶାରେ ବର୍ଷା ହେଉଛି । ତେବେ ମାଲକାନଗିରି, ଗଜପତି, ରାୟଗଡା, ଝାରସୁଗୁଡା, ସମ୍ବଲପୁରରେ ପ୍ରବଳ ବର୍ଷା ହୋଇଥିବା ବେଳେ ବୁଧବାର ରାଜ୍ୟର ପ୍ରାୟ ୨୫ଟି ସହରରେ ମଧ୍ୟମ ବର୍ଷା ହୋଇଥିବା ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ମିଳିଛି ।
ମିଳିଥିବା ସୂଚନା ଅନୁସାରେ, ବୁଧବାର ଗୋପାଳପୁରରେ ସର୍ବାଧିକ ୪୨ମିମି ବର୍ଷା ହୋଇଥିବା ବେଳେ ଛତ୍ରପୁରରେ ୪୦.୩ମିମି ବର୍ଷା ହେରକର୍ଡ ହୋଇଛି । ସେହିପରି କଟକରେ ୧୫ମିମି, ଭୁବନେଶ୍ୱରରେ ୨୧.୪ମିମି, କେନ୍ଦୁଝରରେ ୧୦.୨ମିମି, ନୟାଗଡରେ ୧୩ମିମି, ନୂଆପଡାରେ ୨୨.୨ମିମି, ଖୋର୍ଦ୍ଧାରେ ୨୨ମିମି ବର୍ଷା ରେକର୍ଡ କରାଯାଇଛି । ସେହିପରି ୧୫ଟି ଜିଲ୍ଲାରେ ୧୦ମିମି ତଳକୁ ବର୍ଷା ହୋଇଥିବା ଜଣାପଡିଛି ।
ଅପରପକ୍ଷେ ଦିନର ତାପମାତ୍ରା ୩୦ଂ ତଳକୁ ରହିଥିବା ବେଳେ କଟକରେ ୨୪ଂ ଏବଂ ଭୁବନେଶ୍ୱରରେ ତାପମାତ୍ର ୨୩.୬ଂ ରହିଥିଲା । ରାଜ୍ୟର ବିଭିନ୍ନ ସ୍ଥାନରେ ଆସନ୍ତା ୪୮ଘଣ୍ଟା ପର୍ଯ୍ୟନ୍ତ ଉପକୂଳ ଜିଲ୍ଲାଗୁଡିକରେ ମଧ୍ୟମ ବର୍ଷା ଜାରି ରହିବା ସହ ୮ରୁ ପାଗରେ ପରିବର୍ତ୍ତନ ହେବ । ମାତ୍ର ରାଜ୍ୟରେ ଶୀତର ପ୍ରକୋପ ବୃଦ୍ଧି ପାଇବ ।
