ଭୁବନେଶ୍ୱର: ଆସନ୍ତାକାଲି ହେଉଛି ରଙ୍ଗର ପର୍ବ ହୋଲି । ଏହାକୁ ଦୃଷ୍ଟିରେ ରଖି ‘ମୋ ବସ’ ସେବା ପ୍ରଥମାର୍ଦ୍ଧରେ ବନ୍ଦ ରହିବ । କାଲି ଅପରାହ୍ନ ୩ଟାରୁ ଆରମ୍ଭ ହେବ ‘ମୋ ବସ’ ସେବା । ମାଷ୍ଟର କ୍ୟାଣ୍ଟିନରେ ଥିବା ପାସ୍ କାଉଣ୍ଟର କାଲି ବନ୍ଦ ରହିବ । ‘ମୋ ବସ’ ସେବା ନେଇ ଟ୍ୱିଟ କରି ସୂଚନା ପ୍ରଦାନ କରିଛି କ୍ରୁଟ୍ ।
ତେବେ ହୋଲି ପାଇଁ କଟକଣା ଲାଗିସାରିଛି । କରୋନା ସଂକ୍ରମଣକୁ ଦୃଷ୍ଟିରେ ରଖି ସାର୍ବଜନୀନ ଭାବେ କେହି ହୋଲି ଖେଳିବେନି । ନିଜ ନିଜ ଘରେ ପରିବାର ସହ ହୋଲି ପର୍ବ ପାଳନ କରିବାକୁ ସରକାର ନିର୍ଦ୍ଦେଶ ଦେଇଛନ୍ତି । ଏବେ କରୋନା ଗ୍ରାଫ ବଢୁଥିବାରୁ ସତର୍କ ହେବା ପାଇଁ ସରକାର ସଜାଗ କରୁଛନ୍ତି । ମୁହଁରେ ସର୍ବଦା ମାସ୍କ ପିନ୍ଧିବା ସହ ସାନିଟାଇଜର ଓ ସାମାଜିକ ଦୂରତା ବଜାୟ ରଖିବାକୁ କୁହାଯାଇଛି । ଏହବ୍ୟତୀତ ଏବେ କରୋନା କଟକଣାକୁ କଡାକଡି କରାଯିବା ସହ ମାସ୍କ ଚେକିଂ ମଧ୍ୟ କଡାକଡି ହୋଇଛି ।
