ନରରାକ୍ଷସମାନେ ଦୁଇ ଭଉଣୀଙ୍କ ସହ ଯାହା କଲେ ଜାଣିଲେ ହୋସ୍ ଉଡ଼ିବ….

ନୂଆଦିଲ୍ଲୀ: ଝାଡଖଣ୍ଡର ଗୁମଲା ଜିଲ୍ଲାରୁ ଏକ ହୃଦୟ ବିଦାରକ ଘଟଣା ସାମନାକୁ ଆସିଛି । ଏଠାରେ ଦୁଇ ଆଦିବାସୀ ନାବାଳିକା ଭଉଣୀଙ୍କୁ ଜଙ୍ଗଲକୁ ଉଠାଇ ନେଇ ୧୦ ଜଣ ଯୁବକ ଗଣ ଦୁଷ୍କର୍ମ କରିଛନ୍ତି । ପୋଲିସ୍ ଏହି ମାମଲାରେ ଦୁଇ ଜଣ ଅଭିଯୁକ୍ତଙ୍କୁ ଗିରଫ କରିଥିବା ବେଳେ ଅନ୍ୟ ଜଣେ ଅଭିଯୁକ୍ତ ଭୟରେ ଆତ୍ମହତ୍ୟା କରିଛି । ପୋଲିସ ଅଧିକାରୀମାନେ ଏନେଇ ସୂଚନା ଦେଇଛନ୍ତି । ସୂଚନା ଅନୁଯାୟୀ, ଏହି ଗଣଦୁଷ୍କର୍ମ ଅକ୍ଟୋବର ୧୫ ତାରିଖ ଦିନ ସନ୍ଧ୍ୟାରେ ଘଟିଛି । ଘଟଣା ଦିନ ଦୁଇ ନାବାଳିକା ଭଉଣୀ ନିଜର ୨୦ ବର୍ଷିୟ ସମ୍ପର୍କୀୟ ଭାଇ ସହିତ ଦଶହରା ମେଳା ଦେଖି ଘରକୁ ଫେରୁଥିଲେ । ଏହା ମଧ୍ୟରେ ତିନିଟି ବାଇକରେ ୧୦ ଜଣ ଆସି ସେମାନଙ୍କ ରୋକିଥିଲେ ଏବଂ ଦୁଇ ଭଉଣୀଙ୍କ ଉଦ୍ଦେଶ୍ୟରେ ଅଶ୍ଳୀଳ କମେଣ୍ଟ କରିଥିଲେ । ଏହି କଥାରେ ଭଉଣୀମାନଙ୍କ ସହ ଯାଉଥିବା ଭାଇ ସେମାନଙ୍କୁ ବିରୋଧ କରିଥିଲା । ଯାହାପରେ ଅଭିଯୁକ୍ତମାନେ ତା’ ସହିତ ମାରପିଟ୍ କରିଥିଲେ । ଭୟରେ ଭାଇଁ ଗାଁ’କୁ ଦୌଡ଼ି ପଳାଇଥିଲା । କିନ୍ତୁ ଦୁଇ ଜଣ ଭଉଣୀ ଖସି ଯାଇପାରିନଥିଲେ । ୧୦ ଜଣ ଅଭିଯୁକ୍ତ ଦୁଇ ଭଉଣୀଙ୍କୁ ପାଖ ଜଙ୍ଗଲକୁ ଘୋଷାଡ଼ି ନେଇ ଗଣଦୁଷ୍କର୍ମ କରିଥିଲେ । ଦୁଷ୍କର୍ମ କରିବା ପରେ ଅଭିଯୁକ୍ତ ମାନେ ପୀଡ଼ିତାଙ୍କୁ ମାଡ଼ ମାରିଥିଲେ । ଆଉ ପାଖରେ ଥିବା ଆଉ ଏକ ସ୍ଥାନକୁ ନେଇ ପୁଣିଥରେ ଦୁଷ୍କର୍ମ କରିଥିଲେ । ତେବେ ଇତି ମଧ୍ୟରେ ଗାଁକୁ ଦୌଡ଼ି ଯାଇଥିବା ଭାଇ ଗାଁ ଲୋକଙ୍କୁ ନେଇ ଜଙ୍ଗଲ ପଟକୁ ନିଜ ଭଉଣୀଙ୍କୁ ଖୋଜିବା ପାଇଁ ଯାଇଥିଲା । ଏହି ସମୟରେ ଅଭିଯୁକ୍ତ ମାନେ ଗାଁ ଲୋକଙ୍କୁ ଦେଖି ଫେରାର୍ ହୋଇଯାଇଥିଲେ ।ଏ ଏହି ଘଟଣାରେ ପୋଲିସ ଛାନଭିନ୍ ଆରମ୍ଭ କରିଛି । ଦୁଇ ଜଣ ଗିରଫ କରିଥିବା ବେଳେ ଅନ୍ୟ ଜଣେ ଭୟରେ ଆତ୍ମହତ୍ୟା କରିଥିବା ପୋଲିସ ପକ୍ଷରୁ ସୂଚନା ମିଳିଛି ।