ମହାରାଷ୍ଟ୍ରରେ ଲାଗିବ ଲକଡାଉନ

ନୂଆଦିଲ୍ଲୀ: କରୋନା ପ୍ରକୋପ ବଢିବା ସହିତ ମହାରାଷ୍ଟ୍ରରେ ଲକଡାଉନ ନେଇ ଆଶଙ୍କା ରହିଛି । ମହାରାଷ୍ଟ୍ର ସ୍ୱାସ୍ଥ୍ୟମନ୍ତ୍ରୀ ରାଜେଶ ଟୋପେ ମୁଖ୍ୟମନ୍ତ୍ରୀଙ୍କ ସହ ବୈଠକ ପରେ କହିଛନ୍ତି, ଜଲଦି ଲକଡାଉନ କରାଯିବ ଏବଂ ସେଥିପାଇଁ ପ୍ରସ୍ତୁତି ମଧ୍ୟ ଚାଲିଛି । ଲକଡାଉନ ଉପରେ ଅନ୍ତିମ ନିଷ୍ପତ୍ତି ରାଜ୍ୟର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ନେବେ । ଲକଡାଉନ ଫଳରେ ଗରିବ ଲୋକମାନେ ହଇରାଣ ନହୁଅନ୍ତୁ, ସେଥିପାଇଁ ବି ସରକାର ଉପାୟ ଚିନ୍ତା କରୁଛନ୍ତି । ରାଜ୍ୟରେ ଲକଡାଉନ ନେଇ ରାଜନୈତିକ ଚର୍ଚ୍ଚା ଚାଲିଛି । ଭାରତୀୟ ଜନତା ପାର୍ଟି ସମେତ ଅନ୍ୟ ବିରୋଧୀ ଦଳ ରାଜ୍ୟରେ ସଂପୂର୍ଣ୍ଣ ଲକଡାଉ>କୁ ବିରୋଧ କରୁଛନ୍ତି । ମହାରାଷ୍ଟ୍ର ସରକାରରେ କ୍ୟାବିନେଟ ମନ୍ତ୍ରୀ ନବାବ ମଲ୍ଲିକ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯେତେବେଳେ ସାରା ଦେଶରେ ଲକଡାଉନ କଲେ, ସେତେବେଳେ କାହାର ପରାମର୍ଶ ନେଲେ ନାହିଁ ଏବଂ କାହା ଆକାଉଣ୍ଟକୁ ପଇସା ବି ପଠାଇଲେ ନାହିଁ । ଏମିତିରେ ବିଜେପିକୁ ଏଭଳି ପ୍ରଶ୍ନ କରିବାର ଅଧିକାର ନାହିଁ । କେବଳ ରାଜନୀତି ପାଇଁ ଏମିତି ଦାବି କରିବା ଠିକ ନୁହେଁ ।