16.1 C
Bhubaneswar
Thursday, January 16, 2025
Homeଅପରାଧଜାତକକୁ ବିଶ୍ୱାସ କରି ପ୍ରେମିକକୁ ହତ୍ୟା!

ଜାତକକୁ ବିଶ୍ୱାସ କରି ପ୍ରେମିକକୁ ହତ୍ୟା!

ନୂଆଦିଲ୍ଲୀ: ଜାତକକୁ ବିଶ୍ୱାସ କରି ଲୋକ ବାହାଘର ଭାଙ୍ଗିଦେବା କଥା ହୁଏତ ଆପଣ ଶୁଣିଥିବେ । ହେଲେ ଜାତକକୁ ବିଶ୍ୱାସ କରି କେହି କାହାର ହତ୍ୟା କରିବା କଥା କେବେ ଶୁଣିଛନ୍ତି କି? ଏପରି ଏକ ଅଭାବନୀୟ ଘଟଣା ଘଟିଛି କେରଳର ତିରୁବନନ୍ତପୁରମ୍‌ରେ । ସୂଚନା ଅନୁଯାୟୀ, ଜଣେ ସୁନ୍ଦର ଓ ଶିକ୍ଷିତ ଯୁବତୀଙ୍କ ବିବାହ ଜଣେ ଯବାନଙ୍କ ସହ ସ୍ଥିର ହୋଇଥିଲା । ଦୁହିଁଙ୍କ ଜାତକ ମେଳ ଖାଇଥିଲା । ହେଲେ ପଣ୍ଡିତ ଝିଅର ଜାତକ ଦେଖି କହିଲେ ବି ପୁଅ ଜଣକ ତାଙ୍କୁ ବିବାହ କରିବା ପରେ ମରିିଯିବ । ଏହି କଥା ଶୁଣିବା ପରେ କନ୍ୟାପକ୍ଷ ଲୋକଙ୍କ ମୁଣ୍ଡରେ ଚିନ୍ତା ପଶିଗଲା । ସେମାନେ ଭାବିଲେ ବାହାଘର ଭାଙ୍ଗିବା ଅପେକ୍ଷା ଅନ୍ୟ ଏକ ଉପାୟରେ ଏହି ସମସ୍ୟାକୁ ସମାଧାନ କରିବା । ହେଲେ ସେହି ଉପାୟ ଥିଲା ଖୁବ୍ ଭୟଙ୍କର । ଯାହାକି ବିଚରା ଯବାନଙ୍କର ଜୀବନ ନେବାକୁ ବି ପଛାଇଲାନି ।

ତେବେ ବିବାହ ସ୍ଥିର ହେବା ପରେ ଉଭୟ ଯୁବକ ଓ ଯୁବତୀ ଅନେକ ବାର ପରସ୍ପରଙ୍କୁ ଭେଟିଛନ୍ତି । ଏପରିକି ସେମାନଙ୍କ ମଧ୍ୟରେ ପ୍ରେମ ସଂପର୍କ ଗଢ଼ି ଉଠିଥିଲା । ତେବେ ଗତ କିଛି ଦିନ ହେବ ଯୁବକ ଜଣକ ଯେବେ ବି ତାଙ୍କ ପ୍ରେମିକାଙ୍କୁ ଭେଟୁଥିଲେ ତ ସେଠାରୁ ଫେରିବା ପରେ ଖୁବ୍ ଅସହଜ ଅନୁଭବ କରୁଥିଲେ । ତାପରେ ବାନ୍ତି କରୁଥିଲେ ଓ ଖୁବ୍ ଅସୁସ୍ଥ ମନେ କରୁଥିଲେ । ତେବେ ବାରମ୍ବାର ଏପରି ହେବାରୁ ଘର ଲୋକ ଯୁବକଙ୍କୁ ବିଭିନ୍ନ ପ୍ରଶ୍ନ ପଚାରୁଥିଲେ ବି ସେ କିଛି କହୁନଥିଲେ । କାରଣ ଯୁବକ ନିଜେ ବି ତାଙ୍କ ଅସୁସ୍ଥତା ପଛର କାରଣ ଜାଣିନଥିଲେ । ତେବେ ଦିନେ ସେ ତାଙ୍କ ପ୍ରେମିକାଙ୍କ ପାଖରୁ ଫେରିବା ପରେ ଖୁବ୍ ଅଧିକ ଅସୁସ୍ଥ ହୋଇପଡ଼ିଥିଲେ । ଶେଷରେ ହସ୍ପିଟାଲ୍‌ରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା । ଯୁବକଙ୍କ ମୃତ୍ୟୁ ପରେ ତାଙ୍କ ଘରଲୋକଙ୍କ ଅଭିଯୋଗ ଅନୁଯାୟୀ ଯୁବତୀଙ୍କ ନାମରେ ସ୍ଲୋ ପଏଜନ୍ ଦେଇ ହତ୍ୟା କରିଥିବା ଅଭିଯୋଗରେ ଏକ ମାମଲା ରୁଜୁ ହୋଇଛି । ତେବେ ବାସ୍ତବରେ ତାଙ୍କ ପ୍ରେମିକା ତାଙ୍କୁ କିଛି ବିଷାକ୍ତ ପାନୀୟ ପିଇବାକୁ ଦେଉଥିଲେ କି ନାହିଁ ତାହାକୁ ନେଇ ତଦନ୍ତ ଆରମ୍ଭ ହୋଇଛି ।

LEAVE A REPLY

Please enter your comment!
Please enter your name here

5,005FansLike
2,475FollowersFollow
12,700SubscribersSubscribe

Most Popular

HOT NEWS

Breaking