ଆର୍ଥିକ ମାନ୍ଦାବସ୍ଥାରେ ଆଇଟି ସେକ୍ଟର, ଦୈନିକ ୧୬୦୦ କର୍ମଚାରୀ ଛଟେଇ

ଆମାଜନ କମ୍ପାନୀ କର୍ମଚାରୀଙ୍କୁ ଛଟେଇ କରିବା ନେଇ ପ୍ରସ୍ତୁତି ଚଳାଇଛି । କମ୍ପାନୀରେ ଚାକିରି କରୁଥିବା ୧୮,୦୦୦ କର୍ମଚାରୀଙ୍କୁ ଏହି ମାସ ଭିତରେ ବାହାର କରାଯିବ ବୋଲି ଘୋଷଣା କରିଛି । ଏହି ଛଟେଇରେ ଅନେକ କର୍ମଚାରୀ ପ୍ରଭାବିତ ହେବେ ବୋଲି ସୂଚନା ମିଳିଛି । ଗତବର୍ଷ ଏହି ପ୍ରକ୍ରିୟା ଆରମ୍ଭ ହୋଇଥିଲା । ଏହି ଛଟେଇ ସାଧାରଣତଃ ରିଟେଲ ବିଭାଗ ଏବଂ ମାନବ ସମ୍ବଳ ଉପରେ ପ୍ରଭାବ ପକାଇବ। ଏହି କଟକଣା କମ୍ପାନୀର ସମୁଦାୟ ୧ ପ୍ରତିଶତ ଲୋକମାନଙ୍କ ଉପରେ ରହିଛି । ଆମାଜନ ବହିଷ୍କୃତ କର୍ମଚାରୀଙ୍କୁ ପାଞ୍ଚ ମାସ ଅଗ୍ରୀମ ବେତନ ପ୍ରଦାନ କରିବ। କର୍ମଚାରୀମାନଙ୍କୁ ଏକ ନିର୍ଦ୍ଦିଷ୍ଟ ଦିନରେ ନେତୃତ୍ୱ ଦଳକୁ ଭେଟିବାକୁ କୁହାଯାଇଛି।

ମାନ୍ଦାବସ୍ଥାର ଆଶଙ୍କା ମଧ୍ୟରେ ୧୦ ହଜାର କର୍ମଚାରୀଙ୍କୁ ଛଟେଇ କରିବାକୁ ପ୍ରସ୍ତୁତି କରୁଛି ପ୍ରତିଷ୍ଠିତ କମ୍ପାନି ମାଇକ୍ରୋସଫ୍ଟ। ରାଜସ୍ବ ହ୍ରାସ ପାଉଥିବାରୁ କମ୍ପାନୀ ଏପରି ନିଷ୍ପତ୍ତି ନେଇଛି। ମାଇକ୍ରୋସଫ୍ଟ ପୂର୍ବରୁ ଆମାଜନ, ସେଲ୍ସଫୋନ୍ ପରି କମ୍ପାନୀ ମଧ୍ୟ ବ୍ୟାପକ ସଂଖ୍ୟାରେ କର୍ମଚାରୀଙ୍କ ଛଟେଇ କରି ସାରିଛନ୍ତି। ସେୟାରଚାଟ୍ ମଧ୍ୟ ୬୦୦ କର୍ମଚାରୀଙ୍କୁ ଚାକିରିରୁ ବିଦା କରିଛି। ମାଇକ୍ରୋସଫ୍ଟ କହିଛି, ନିଜର ହାର୍ଡଓୱୟାର ବିଭାଗରେ ମଧ୍ୟ ପରିବର୍ତ୍ତନ କରୁଛି। ଭଡାରେ ନିଆଯାଇଥିବା କିଛି କାର୍ଯ୍ୟାଳୟ ବନ୍ଦ କରୁଛି। ଏହି ପଦକ୍ଷେପରେ ପ୍ରାୟ ୧.୨ ବିଲିୟନ ଡଲାର ବଞ୍ଚିଯିବ ବୋଲି କମ୍ପାନୀ ଆଶା ରଖିଛି। ଆର୍ଥିକ ବର୍ଷ ୨୦୨୩ ଶେଷ ସୁଦ୍ଧା ପ୍ରାୟ ମୋଟ୍ କର୍ମଚାରୀର ୫ ପ୍ରତିଶତ ହ୍ରାସ କରାଯିବ। ଖରାପ ଆର୍ଥିକ ସ୍ଥିତି କାରଣରୁ ଏମିତି କଠୋର ନିଷ୍ପତ୍ତି ନିଆଯାଇଥିବା କମ୍ପାନୀ କହିଛି।