ଭୁବନେଶ୍ବର: ଭୁବନେଶ୍ବରରେ ଆସନ୍ତା ଜାନୁଆରୀ ୧୪ ରୁ ୧୭ ମଧ୍ୟରେ ଆୟୋଜିତ ହେବାକୁ ଥିବା ହକି ବିଶ୍ୱକପ ସମୟରେ ଦର୍ଶକଙ୍କୁ ମନୋରଞ୍ଜନର ଖୋରାକ ଯୋଗାଇବ କାହାଣୀ ମହୋତ୍ସବ। ବକୁଲ ଫାଉଣ୍ଡେସନ ଦ୍ୱାରା ଆୟୋଜିତ ଏହି ମହୋତ୍ସବ ଡଟ୍ ଫେଷ୍ଟର ଏକ ଅଂଶ । ଏହି ନିଆରା ମହୋତ୍ସବ ବିଡିଏ, ବିଏମସି ଏବଂ ଓଡିଶା ପର୍ଯ୍ୟଟନ ଦ୍ୱାରା ପରିଚାଳିତ ହେଉଛି । ସତ୍ୟନଗରରେ ଥିବା ବକୁଲ ଲାଇବ୍ରେରୀରେ ଆଜି ଆୟୋଜିତ ଏକ ସ୍ଵତନ୍ତ୍ର କାର୍ଯ୍ୟକ୍ରମରେ BhuFeStoର ଘୋଷଣା କରାଯାଇଛି । BhuFeSto 2023 ପ୍ରତିଦିନ ଅପରାହ୍ନ ୨ଟା ୩୦ରୁ ୭ଟା ୩୦ ମଧ୍ୟରେ ଚାରୋଟି ଭିନ୍ନ ଭିନ୍ନ ପାର୍କ ଏବଂ ସହରର ବିଭିନ୍ନ ସ୍ଥାନରେ ଖୋଲା ସ୍ଥାନରେ ଅନୁଷ୍ଠିତ ହେବ ।
ଚନ୍ଦ୍ରଶେଖରପୁରର ବୁଦ୍ଧ ଜୟନ୍ତୀ ପାର୍କ, ୟୁନିଟ୍ 2 ରେ ଇନ୍ଦିରା ଗାନ୍ଧୀ ପାର୍କ, SUM ହସ୍ପିଟାଲ୍ ନିକଟରେ ଥିବା ଏ ପି ଜେ ଅବଦୁଲ କଲାମ ପାର୍କ ଏବଂ ପୋଖରୀପୁଟର କଳାଭୂମି ରେ ଆୟୋଜିତ ହେବ। କାହାଣୀକାର ମାନେ ଭିନ୍ନ ଭିନ୍ନ ଦିନରେ ବିଭିନ୍ନ ପାର୍କରେ କାହାଣୀ ଶୁଣାଇବେ। ସହରର ଲୋକମାନେ ନିକଟସ୍ଥ ପାର୍କକୁ ଯାଇ ପ୍ରଦର୍ଶନକୁ ଉପଭୋଗ କରିବେ ବୋଲି ଆଶା କରିଛି ପୁରା ଆୟୋଜକ ଟିମ୍ । ଯେତେବେଳେ ଗତ ହକି ବିଶ୍ୱକପ ପୂର୍ବରୁ ବକୁଲ ଫାଉଣ୍ଡେସନ ଦ୍ୱାରା BhuFeSto (ଭୁଫେଷ୍ଟୋ) ପ୍ରସ୍ତାବିତ ହୋଇଥିଲା, ସେତେବେଳେ ରାଜସ୍ଥାନର ଜୟପୁର ସାହିତ୍ୟ ମହୋତ୍ସବ ଭଳି ଏହାକୁ ଭାରତରେ ଆଇକନିକ୍ ଷ୍ଟୋରୀ ଷ୍ଟେଲିଂ ଫେଷ୍ଟିଭାଲରେ ପରିଣତ କରିବାର ଇଚ୍ଛା ଥିଲା । ଡିସେମ୍ବର 2018 ରେ ପ୍ରଥମ ସଂସ୍କରଣ ଏକ ବଡ ସଫଳତା ମିଳିଥିଲା । ଏହି କାହାଣୀ କହିବା କାର୍ଯ୍ୟକ୍ରମ ବେଶ ଉତ୍ସାହର ସହ ପାଳନ ହୋଇଥିବା ମହୋତ୍ସବ ଥିଲା ଯେହେତୁ ଏହି ପାର୍କଗୁଡିକରେ କଳାତ୍ମକ ସ୍ଥାପନ ସହ ଏହା ଥିମ୍ ପାର୍କ ଭାବରେ ବିକଶିତ ହୋଇଥିଲା ଓ ବିଶ୍ବର ଲୋକପ୍ରିୟ କାହାଣୀ ଦ୍ୱାରା ଅନୁପ୍ରାଣିତ ହୋଇଥିବା ମୂର୍ତ୍ତିଗୁଡ଼ିକ ସ୍ଥାପନ କରାଯାଇଥିଲା ।
ଚଳିତ ବର୍ଷ ଏହି ମହୋତ୍ସବକୁ ବଡ଼ ଆକାରର ଆୟୋଜନ କରିବାକୁ ପ୍ରତିଶୃତି ଦେଇଛି ଅନୁଷ୍ଠାନ । ବକୁଲ ଫାଉଣ୍ଡେସନର ପ୍ରତିଷ୍ଠାତା ତଥା ଭୁଫେଷ୍ଟୋର ଫେଷ୍ଟିଭାଲ୍ ନିର୍ଦ୍ଦେଶକ ସୁଜିତ୍ ମହାପାତ୍ର କହିଛନ୍ତି ଯେ, “ଯେତେବେଳେ ଆମେ ୨୦୧୮ ରେ ଭୁଫେଷ୍ଟୋ ଆୟୋଜନ କରିଥିଲୁ, ସେତେବେଳେ ଆମେ ଓଡିଶାରେ କାହାଣୀ କହିବା ଅଧିବେଶନ ଆୟୋଜନ କରୁଥିଲୁ କିନ୍ତୁ ଆନ୍ତର୍ଜାତୀୟ କାହାଣୀ ସର୍କିଟ ପାଇଁ ଆମେ ନୂଆ ଥିଲୁ। BhuFeSto ପରେ, ବିଶେଷକରି କୋଭିଡ୍ ସମୟରେ, ଯେତେବେଳେ ବକୁଲ୍ ଫାଉଣ୍ଡେସନ୍ ବହୁ ଲୋକପ୍ରିୟ ଭର୍ଚୁଆଲ୍ ଷ୍ଟୋରୀଲିଙ୍ଗ୍ ୱେବ ସିରିଜ ଷ୍ଟୋରୀ ଟାଇମ୍ @ ୯ ଏବଂ ରବିବାର ଗପବାର ପରିଚାଳନା କଲା, ଆମେ ବିଶ୍ଵ ଏବଂ ଭାରତର ସର୍ବୋତ୍ତମ ଶ୍ରେଷ୍ଠ କାହାଣୀକାରମାନଙ୍କ ସହିତ ସଂଯୁକ୍ତ ହୋଇଥିଲୁ । ଆମେ ଘୋଷଣା କରି ବହୁତ ଖୁସି ଯେ, ଆମର ପ୍ରଥମ ତାଲିକାରେ ଥିବା ପ୍ରାୟ ସମସ୍ତ କାହାଣୀକାର ଯାହାକୁ ଆମେ ଚାହୁଁଥିଲୁ, ନିଶ୍ଚିତ କରିଥିଲୁ ସେମାନେ ଏଥର BhuFeSto ରେ ପ୍ରଦର୍ଶନ କରିବାକୁ ଯାଉଛନ୍ତି।
ଏହି ମହୋତ୍ସବରେ କଣ ରହିଛି ସେନେଇ ଆନ୍ତର୍ଜାତୀୟ ସ୍ତରର ଖ୍ୟାତିସମ୍ପନ୍ନ କାହାଣୀକାର ତଥା ଫେଷ୍ଟିଭାଲ୍ କ୍ୟୁରେଟର ନୁପୁର ଅଗ୍ରୱାଲ୍ ଏକ ଚମତ୍କାର କାହାଣୀ ମାଧ୍ୟମରେ ବର୍ଣ୍ଣନା କରିଥିଲେ । BhuFeSto ର ପ୍ରଥମ ସଂସ୍କରଣର ମୁଖ୍ୟ ଆକର୍ଷଣ ଥିବା ପ୍ରତିଷ୍ଠିତ କାହାଣୀକାର ପ୍ରାଚୀ ତାରା
ମଧ୍ୟ ଓଡିଆରେ ଏକ କାହାଣୀ କହି ଦର୍ଶକଙ୍କୁ ବାନ୍ଧି ରଖିପାରିଥିଲେ, BhuFeSto ପାଇଁ ଆସୁଥିବା ପ୍ରସିଦ୍ଧ କାହାଣୀକାରଙ୍କ ଦ୍ୱାରା କୁହାଯାଇଥିବା କାହାଣୀର କ୍ଲିପ୍ ମଧ୍ୟ ପ୍ରଦର୍ଶିତ ହୋଇଥିଲା । ଲୋକମାନଙ୍କୁ ଏହି ପର୍ବ ବିଷୟରେ ଜଣାଇବା ପାଇଁ ବକୁଲ ଫାଉଣ୍ଡେସନ୍ ମଧ୍ୟ ଏକ ବିଶାଳ ପ୍ରସାରଣ କାର୍ଯ୍ୟକ୍ରମ ଆରମ୍ଭ କରିଥିଲା । ନୁପୁର ଅଗ୍ରୱାଲ ଆଜି ତପୋବନ୍ ଆଶ୍ରମ ବିଦ୍ୟାଳୟ, ଖଣ୍ଡଗିରି, ସେଞ୍ଚୁରିଅନ୍ ୟୁନିଭରସିଟି ଏବଂ କ୍ୟାପିଟାଲ୍ ହାଇସ୍କୁଲର ଠାକୁର ବାପା ହଷ୍ଟେଲରେ କାହାଣୀ କହିଥିଲେ। ସେ ଆଗାମୀ 2 ଦିନ ମଧ୍ୟରେ ବିଭିନ୍ନ ସହରର ବିଦ୍ୟାଳୟରେ କାହାଣୀ କହିବା ସହ BhuFeSto ବିଷୟରେ କହିବେ । ବିଦ୍ୟାଳୟ ବ୍ୟତୀତ କଲେଜ, ଆପାର୍ଟମେଣ୍ଟ ଏବଂ ବସ୍ତି ଗୁଡିକରେ ଆଉଟ୍ରିଚ୍ ଅଧିବେଶନ ହେବ। କାହାଣୀ ମାଧ୍ୟମରେ ପିଲାମାନଙ୍କୁ ଟାର୍ଗେଟ କରିବା ସହ ଏଭଳି ମହୋତ୍ସବରେ ଯୋଗ ହେବାକୁ କହିବେ।
