ସ୍ତ୍ରୀର ଅଭିଯୋଗ, ‘ମୋ ସହିତ ଦୁଷ୍କର୍ମ ହେଉଥିବା ଦେଖି ହସୁଥିଲେ ସ୍ୱାମୀ’

ନୂଆଦିଲ୍ଲୀ: ବିବାହର ବର୍ଷକ ପରେ ଏକ ଦମ୍ପତିଙ୍କ ମଧ୍ୟରେ ଶାରୀରିକ ସମ୍ପର୍କକୁ ନେଇ ସମସ୍ୟାକୁ ଦେଖା ଦେଇଥିଲା । ଏହି କାରଣକୁ ନେଇ ସ୍ୱାମୀ ତାଙ୍କ ବନ୍ଧୁଙ୍କୁ ଡାକି ନିଜ ସ୍ତ୍ରୀକୁ ଦୁଷ୍କର୍ମ କରିବାକୁ କହିଥିଲେ । ଆଉ ସ୍ତ୍ରୀଙ୍କୁ ବନ୍ଧୁ ଦୁଷ୍କର୍ମ କରୁଥିବା ଦେଖି ସ୍ୱାମୀ ହସୁଥିବାର ଏକ ଲଜ୍ଜାନୀୟ ଘଟଣା ସାମ୍ନାକୁ ଆସିଛି । ପୀଡିତାଙ୍କ ଅଭିଯୋଗ କ୍ରମେ ପୋଲିସ ସ୍ୱାମୀ ସମେତ ଉକ୍ତ ଘଟଣାରେ ସମ୍ପୃକ୍ତ ଥିବା ୪ଜଣଙ୍କୁ ଗିରଫ କରିଛି । ଏଭଳି ଏକ ଘଟଣା ମହାରାଷ୍ଟ୍ରର ବାରାମାଟି ଜିଲ୍ଲାରେ ଘଟିଛି । ସୂଚନା ଅନୁଯାୟୀ, ପୀଡ଼ିତା ମହିଳା ୨୦୧୬ରେ ବିବାହ କରିଥିଲେ । ଏକବର୍ଷ ପରେ ପୀଡିତା ଓ ତାଙ୍କ ସ୍ୱାମୀଙ୍କ ମଧ୍ୟରେ ଶାରୀରିକ ସମ୍ପର୍କକୁ ନେଇ ବିବାଦ ଦେଖା ଦେଇଥିଲା । ସ୍ୱାମୀ ସମଲିଙ୍ଗୀ ବୋଲି ଜାଣିବା ପରେ ମଧ୍ୟ ପତ୍ନୀ ଏବିଷୟରେ କାହାକୁ କିଛି ନଜଣାଇ ଚୁପ ରହିଥିଲେ । ଉକ୍ତ ମହିଳାଙ୍କ ସ୍ୱାମୀ ଏକଦା ହ୍ୱାଟସ ଆପରେ ମେସେଜ କରି ଜଣେ ବନ୍ଧୁଙ୍କୁ ଘରକୁ ଡାକିଥିଲେ । ଘରେ ପହଞ୍ଚିବା ପରେ ପତ୍ନୀଙ୍କ ସହିତ ଶାରୀରିକ ସମ୍ପର୍କ ରଖିବାକୁ ବନ୍ଧୁଙ୍କୁ ବାଧ୍ୟ କରିଥିଲେ । ଯେତେବେଳେ ଉକ୍ତ ବନ୍ଧୁ ଜଣକ ପତ୍ନୀଙ୍କ ସହିତ ଦୁଷ୍କର୍ମ କରୁଥିଲେ ମାନସିକ ବିକୃତ ସ୍ୱାମୀ ହସୁଥିବା ପୀଡିତା ଅଭିଯୋଗ କରିଛନ୍ତି । ଚାରି ବର୍ଷ ମଧ୍ୟରେ ସ୍ୱାମୀ ଅନେକ ଲୋକଙ୍କୁ ତାଙ୍କ ପତ୍ନୀଙ୍କ ସହିତ ଶାରୀରିକ ସମ୍ପର୍କ ରଖିବାକୁ ବାଧ୍ୟ କରିଛନ୍ତି । ଶେଷରେ ଆଉ ସହି ନପାରି ମହିଳା କୌଶଳ କ୍ରମେ ନିଜ ବାପ ଘରକୁ ଚାଲି ଯାଇଥିଲେ । ଆଉ ଘଟଣା ସମ୍ପର୍କରେ ନିଜର ମା’ଙ୍କୁ ଜଣାଇଥିଲେ । ମା’ଙ୍କ ପରାମର୍ଶ କ୍ରମେ ସେ ସ୍ୱାମୀ ବିରୋଧରେ ଥାନାରେ ମାମଲା ରୁଜୁ କରିଥିଲେ । ଏହି ଅଭିଯୋଗ କ୍ରମେ ପୋଲିସ ଉକ୍ତ ଘଟଣାରେ ସମ୍ପୃକ୍ତ ସ୍ୱାମୀ’ଙ୍କୁ ଗିରଫ କରିଥିଲା । ଗିରଫ କରି ପଚରାଉଚରା ପରେ ସ୍ୱାମୀ ସମେତ ଏହି ଘଟଣାରେ ୪ଜଣଙ୍କୁ ପୋଲିସ ଗିରଫ କରିଛି ।