ଜୟପୁର: ବେଆଇନ୍ ଗଞ୍ଜେଇ କାରବାରରେ ଜୟପୁର ପୋଲିସ ପକ୍ଷରୁ ଚଢ଼ାଉ କରାଯାଇ ଜଣେ ହୋମଗାର୍ଡଙ୍କ ସମେତ ୬ ଜଣଙ୍କୁ ଅଟକ ରଖିଛି ପୋଲିସ ।
ତେବେ ଦୁଇଟି ସ୍ଥାନରେ ଏହି ରେଡ୍ କରାଯାଇଛି । ଗୋଟିଏ ସ୍ଥାନ ଆମ୍ବାଗୁଡ଼ା ଏବଂ ଅନ୍ୟଟି ଜୟପୁର-କୋରାପୁଟ ଘାଟି ନିକଟରୁ ବିପୁଳ ପରିମାଣର ଗଞ୍ଜେଇ ଜବତ କରାଯାଇଛି । ତେବେ ଜୟପୁର ପୋଲିସ ବିଶେଷ ସୂତ୍ରରୁ ଖବର ପାଇ ଦୁଇଟି ଜାଗାରେ ଚଢ଼ାଉ କରିଛି । ଉକ୍ତ ଗଞ୍ଜେଇ ଚାଲାଣରେ ଜଣେ ହୋମଗାର୍ଡଙ୍କ ସମ୍ପୃକ୍ତି ଥିବା ଜଣାପଡ଼ିଛି । ପାଖା ପାଖି ୧୯ କୁଇଣ୍ଟାଲରୁ ଅଧିକ ଗଞ୍ଜେଇ ଜବତ କରାଯାଇଥିବା ସୂଚନାରୁ ଜଣାପଡ଼ିଛି ।
ସୂଚନାନୁସାରେ, କୋରାପୁଟ ଅଞ୍ଚଳରୁ ବାହାର ଜାଗାକୁ ଏହି ଗଞ୍ଜେଇ ଚାଲାଣ କରାଯାଉଥିଲା । ଜୟପୁର ଏସ୍ଡିପିଓ ଅରୁପ ଅଭିଶେକଙ୍କ ନେତୃତ୍ୱରେ ଦୁଇଟି ଟିମ୍ ଗଠନ କରାଯାଇ ଦୁଇଟି ଜାଗାରେ ଚଢ଼ାଉ କରାଯାଇଛି । ସଦର ପୋଲିସ ଚଢ଼ାଉ କରି ଗଞ୍ଜେଇ ଜବତ କରିଛି । ବର୍ତ୍ତମାନ ପୋଲିସ ପକ୍ଷରୁ କୌଣସି ସୂଚନା ମିଳିପାରି ନାହିଁ । ଏନେଇ ଅଧିକ ତଦନ୍ତ ଜାରୀ ରହିଛି ।
