ଭୁବନେଶ୍ୱର: ବହୁ ଚର୍ଚ୍ଚିତ ଆନନ୍ଦ ଟପୋ ହତ୍ୟା ମାମଲାରେ ଆହୁରି ଫସି ଯାଇଛନ୍ତି ପୂର୍ବତନ ଓଡିଆ ହକି ତାରକା । ଇନଫୋସିଟି ଥାନାରେ ହାଜର ହୋଇଛନ୍ତି ବିରେନ୍ଦ୍ର ଲାକ୍ରା । ପୋଲିସର ଡକରା ପରେ ସେ ଥାନାରେ ପହଞ୍ଚିଛନ୍ତି । କିଛି ଦିନ ତଳେ ଇନଫୋସିଟି ଥାନା ଅଞ୍ଚଳର ଏକ ଆପାର୍ଟମେଣ୍ଟରୁ ଆନନ୍ଦଙ୍କ ମୃତଦେହ ମିଳିଥିଲା । ଯେଉଁ ମାମଲାରେ ଛନ୍ଦି ହୋଇ ଯାଇଥିଲେ ଓଡିଆ ଷ୍ଟାର ହକି ପ୍ଲେୟର ବିରେନ୍ଦ୍ର ଲାକ୍ରା ।
ସୂଚନା ଅନୁଯାୟୀ, ଆନନ୍ଦ ଟପୋ ମୃତ୍ୟ ଘଟଣାକୁ ନେଇ ହାଇକୋର୍ଟ ଏହି ନିର୍ଦ୍ଦେଶ ଦେଇଥିଲେ । ଏହାପରେ ତାଙ୍କୁ ଆଜି ଇନଫୋସିଟି ଥାନାରୁ ଡାକରା ଆସିଥିଲା । ଏହି ହତ୍ୟା ଘଟଣାରେ ହକି ତାରକା ବିରେନ୍ଦ୍ର ଲାକ୍ରାଙ୍କ ସଂପୃକ୍ତି ଅଭିଯୋଗ ହୋଇଥିଲା । କିନ୍ତୁ ବୀରେନ୍ଦ୍ରଙ୍କ ନାମକୁ ଅଭିଯୋଗ ଫର୍ଦ୍ଦରୁ ବାଦ୍ ଦେଇଥିଲେ ଆଇଆଇସି । ଏବେ ବିରେନ୍ଦ୍ରଙ୍କ ବିରୋଧରେ ପୁଣିଥରେ ତଦନ୍ତ ପାଇଁ ନିର୍ଦ୍ଦେଶ ହୋଇଛି । ଏହି ଘଟଣାରେ ତଦନ୍ତ କରି ତିନି ମାସ ମଧ୍ୟରେ ତଦନ୍ତ ରିପୋର୍ଟ ଦାଖଲ ପାଇଁ ଭୁବନେଶ୍ୱର ଡିସିପିଙ୍କୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି ।
ଆନନ୍ଦ ଟପୋ ହତ୍ୟା ମାମଲାର ଚାର୍ଜସିଟରେ ବିରେନ୍ଦ୍ର ଲାକ୍ରାଙ୍କ ନାଁ ନଥିବାରୁ କମିଶନରେଟ୍ ପୋଲିସର ଥାନା ଆଇଆଇସିଙ୍କୁ ହାଇକୋର୍ଟ ଭର୍ତ୍ସନା କରିଥିଲେ । ତେଣୁ ଏକ ବର୍ଷ ପର୍ୟ୍ୟନ୍ତ ଇନଫୋସିଟି ଥାନା ଆଇଆଇସି ସମିତା ମିଶ୍ରଙ୍କୁ ଫିଲଡ ପୋଷ୍ଟିଂ ମନା ହୋଇଛି । ଏହା ସହ ଏକ ମାସ ଯାଏଁ ବିଜୁ ପଟ୍ଟନାୟକ ପୋଲିସ ଏକାଡେମୀରେ ଟ୍ରେନିଂ ନେବା ପାଇଁ ପୋଲିସ କମିଶନରଙ୍କୁ ନିର୍ଦ୍ଦେଶ ଦେଇଥିଲେ ହାଇକୋର୍ଟ ।
