ମାଛ ଧରିବାକୁ ଯାଇ ନିଖୋଜ ଥିଲେ ଆଜି ମିଳିଲା ମୃତଦେହ

ତେଲକୋଇ : ମାଛ ଧରିବାକୁ ଯାଇ ୨ ଦିନ ହେବ ନିଖୋଜ ଥିବା ବ୍ୟକ୍ତିଙ୍କର ମୃତଦେହ ଆଜି ସକାଳେ ମିଳିଛି । ଘଟଣା ଘଟିଛି କେନ୍ଦୁଝର ଜିଲ୍ଲା ତେଲକୋଇ ଅଞ୍ଚଳରେ । ତେଲକୋଇ ଥାନା ଅନ୍ତର୍ଗତ ଖଜୁରିଆ ଡ୍ୟାମରୁ ଯୁବକଙ୍କ ମୃତଦେହ ଉଦ୍ଧାର କରାଯାଇଛି। ମୃତ ଯୁବକ ଜଣଙ୍କ ହେଲେ ଶୁକଦେବ ପେଣ୍ଠେଇଙ୍କ ପୁଅ ଭିମସେନ । ସୂଚନା ଅନୁସାରେ, ଗତ ଶନିବାର ଦିନ ଭୀମସେନ ଖଜୁରିଆ ଡ୍ୟାମକୁ ମାଛ ଧରିବାକୁ ଯାଇଥିଲେ। ମାଛ ଧରି ସାରି ଆଉ ଘରକୁ ଫେରିନଥିଲେ। ଆଜି ତାଙ୍କ ମୃତଦେହ ଡ୍ୟାମରେ ଭାସୁଥିବା ସ୍ଥାନୀୟ ଲୋକେ ଦେଖିଥିଲେ। ତେଲକୋଇ ଅଗ୍ନିଶମ ବାହିନୀ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ଓ ଘଟଣାର ତଦନ୍ତ କରୁଛି ।