ମାଲକାନିଗିରି : ପଡିଆ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ନିକଟସ୍ତ ଜମିରେ ଥିବା ୩ ଟି ପାଳ ଗଦାରେ ନିଆଁ ଲାଗି ପାଖରେ ଥିବା ମୂଲ୍ୟବାନ୍ ନୀଳଗିରି ଗଛ ଗୁଡିକ ନଷ୍ଟ ହୋଇଯାଇଥିବା ଦେଖିବାକୁ ମିଳିଛି। ଆଜି ଦିନ ପ୍ରାୟ ୧୧ ଟା ବେଳେ ସ୍ଵାସ୍ଥ୍ୟ ବିଭାଗ ପଛପଟେ ଥିବା ଏସ୍ କେ କାଦାର ଙ୍କ ଜମିରେ ଥିବା ପାଳ ଗଦାରେ କୌଣଷି କାରଣରୁ ନିଆଁ ଲାଗିଯାଇଥିଲା। ଏହି ନିଆଁ ପାଖରେ ଥିବା ଆଉ ଦୁଇଟି ପାଳ ଗଦା କୁ ମାଡ଼ି ଯାଇ ସମ୍ପୂର୍ଣ୍ଣ ପାଉଁଶ କରିବା ପରେ ପାଖରେ ଥିବା ନୀଳଗିରି ବଗିଚାକୁ ମାଡ଼ି ଯାଇଥିଲା। ଖବର ପାଇ ପଡିଆ ପଡିଆ ଅଗ୍ନିଶମ ଅଧିକାରୀ ବିରେନ୍ଦ୍ର କୁମାର ସିଂ ପହଂଚି ନିଆଁକୁ ଆୟତ୍ତ କରିବା ବେଳକୁ ପ୍ରାୟ ୩ ଏକର ଜମିରେ ଲଗାଯାଇଥିବା ନୀଳଗିରି ଗଛ ନଷ୍ଟ ହୋଇଯାଇଥିଲା। ବିସ୍ତୀର୍ଣ୍ଣ ଅଞ୍ଚଳରେ ନିଆଁ ଲାଗିବା ସହ ପାଖରେ ଥିବା ଡ଼ାକ୍ତରଖାନା ର ସୁରକ୍ଷା କୁ ଦୃଷ୍ଟିରେ ରଖି ଅଗ୍ନିଶମ ବିଭାଗକୁ ପ୍ରାୟ ୩ ଘଣ୍ଟାରୁ ଉର୍ଦ୍ଧ୍ବ ସମୟ ଧରି ନିଆଁ ଲିଭାଇବା ପାଇଁ କସରତ କରିବାକୁ ପଡିଥିଲା। ଅଚାନକ ହୋଇଥିବା ଏଭଳି ଅଗ୍ନିକାଣ୍ଡ ଯୋଗୁଁ ପୀଡ଼ିତାଙ୍କ ପରିବାର କୁ ପ୍ରଶାସନ ପକ୍ଷରୁ ତୁରନ୍ତ ସହଯୋଗ କରାଯିବାକୁ ନିବେଦନ କରାଯାଇଛି।]
https://onakhabar.com/2020/02/16/weather-updates-6/
ପାଳ ଗଦାରେ ନିଆଁ ଲାଗି ୩ ଏକର ନୀଳଗିରି ନଷ୍ଟ
