ମୟୂରଭଞ୍ଜ: ଶିମିଳିପାଳ ଅଭୟାରଣ୍ୟର ୪ ପଏଣ୍ଟ୍ରେ ନିଆଁ ଲାଗିବା ଘଟଣାରେ ଆଜି ବନ ବିଭାଗ ୫ ଶିକାରୀଙ୍କୁ ଗିରଫ କରିଛି । ଜଙ୍ଗଲୀ ଜନ୍ତୁଙ୍କ ଶିକାର ଉଦ୍ଦେଶ୍ୟରେ ଜଙ୍ଗଲରେ ନିଆଁ ଲଗାଯାଇଥିଲା ବୋଲି ବନ ବିଭାଗ ପକ୍ଷରୁ ସୂଚନା ଦିଆଯାଇଛି । ଗତକାଲି ୪ ପଏଣ୍ଟ ମଧ୍ୟରେ ନଅଣା ରେଞ୍ଜରେ ନିଆଁ ଲାଗିଥିବା ବନ ବିଭାଗ ଜାଣିବାକୁ ପାଇ ଘଟଣାସ୍ଥଳ ଯାଞ୍ଚ କରିଥିଲା । ସେଠାରୁ ଶିକାରରେ ବ୍ୟବହୃତ କିଛି ସାମଗ୍ରୀ ଜବତ କରାଯିବା ସହ ଏଥିରେ ଜଡ଼ିତ ୫ ଜଣଙ୍କୁ ଗିରଫ କରାଯାଇଛି । ସମସ୍ତ ଗିରଫ ଶିକାରୀମାନେ ସ୍ଥାନୀୟ ଅଞ୍ଚଳର ବୋଲି ସୂଚନା ଦେଇଛନ୍ତି ଶିମିଳିପାଳ ଏସିଏଫ୍ ପ୍ରଦୀପ କୁମାର ଦେଙ୍କ ସୂଚନା ।
ତେବେ ଗୋଟିଏ ପଟେ ଖରାର ପ୍ରଭାବ ବଢ଼ୁଥିବା ବେଳେ ଜଙ୍ଗଲର ନିଆଁ ଅଞ୍ଚଳକୁ ଆହୁରି ଅଧିକ ଉତ୍ତପ୍ତ କରି ପକାଇଛି । ନିଆଁ କେଉଁ କାରଣରୁ ଲାଗୁଛି ବୋଲି ବନ ବିଭାଗ ସ୍ପଷ୍ଟ କରିପାରୁନଥିବା ବେଳେ ଯାଞ୍ଚ ପରେ ଏହା ପଶୁ ଶିକାର ପାଇଁ ଲଗାଯାଉଥିବା ଜଣାପଡ଼ିଥିଲା । ତେବେ ଗିରଫ ୫ ଜଣଙ୍କୁ କୋର୍ଟରେ ହାଜର କରାଯିବ ବୋଲି ବନ ବିଭାଗ ପକ୍ଷରୁ କୁହାଯାଇଛି ।
ଶିମିଳିପାଳ ଅଭୟାରଣ୍ୟରେ ନିଆଁ, ୫ ଗିରଫ
