କୃଷିଜାତ ସାମଗ୍ରୀର ବଜାର ସୁବିଧା ପାଇଁ ସମବାୟ ବିଭାଗର ପଦକ୍ଷେପ
ଭୁବନେଶ୍ୱର, – ରାଜ୍ୟରୁ ଉତ୍ପାଦିତ କୃଷିଜାତ ସାମଗ୍ରୀର ବଜାର ସୁବିଧା ପାଇଁ ସମବାୟ ବିଭାଗ ଏକ ପ୍ରକଳ୍ପ ଆରମ୍ଭ କରିଛନ୍ତି ଯାହା ରାଜ୍ୟର ସମସ୍ତ ୬୬ ନିୟନ୍ତ୍ରିତ ବଜାର କମିଟି (ଆରଏମସି), ୪୩ କୃଷକ ବଜାର, ୭୬ ଟି ମ୍ୟୁନିସିପାଲିଟି ବଜାର ସହିତ ୮୦୦ ଏଫ୍ପିଓ ଏବଂ ମହିଳା ଏସଏଚଜି କୁ ଏକାଠି କରିିବ । ଏଥିପାଇଁ ବିଭାଗ ତରଫରୁ ଓଡିଶା ରାଜ୍ୟ କୃଷି ବିପ୍ପଣନ ବୋର୍ଡ (ଓଏସ୍ଏଏମ୍ ବୋର୍ଡ) ଏବଂ ହାଇଦ୍ରାବାଦ ସ୍ଥିତ ଇଣ୍ଟରନେସନାଲ କ୍ରପସ ରିସର୍ଚ୍ଚ ଇନଷ୍ଟିଟ୍ୟୁଟ ଫର ଦି ସେମି-ଆରିଡ୍ ଟ୍ରପିକ୍ସ (ଆଇସିଆରଆଇଏସଏଟି) ସହିତ ଏକ ଚୁକ୍ତିନାମା ସ୍ୱାକ୍ଷର କରିଛି । ସମବାୟ ବିଭାଗର ପ୍ରମୁଖ ଶାସନ ସଚିବ ସଞ୍ଜୀବ କୁମାର ଚଢାଙ୍କ ଉପସ୍ଥିତିରେ ଏହି ରାଜିନାମା ସ୍ୱାକ୍ଷରିତ ହୋଇଛି ।
ଓଏସଏଏମ ବୋର୍ଡର ସମ୍ମିଳନୀ କକ୍ଷରେ ଆୟୋଜିତ ସମାରୋହରେ ଅନ୍ୟମାନଙ୍କ ମଧ୍ୟରେ ଅତିରିକ୍ତ ସଚିବ ଶୁଭ୍ରା ମହାନ୍ତି, ଓଏସ୍ଏଏମ୍ ବୋର୍ଡର ସାଧାରଣ ପରିଚାଳକ ଧରିତ୍ରୀ ମିଶ୍ର, ଓରମାସ୍ର ଯୁଗ୍ମ ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ସୁଜୟ କର, ଆଇସିଆରଆଇଏସଏଟିର ସିଇଓ ଏବଂ କ୍ଲଷ୍ଟର ମୁଖ୍ୟ ଅରବାଜୀ ସେଲଭାରାଜ, ଉପ ସଚିବ ସଂଗ୍ରାମ ରାଉତ ପ୍ରମୁଖ ଉପସ୍ଥିତ ଥିଲେ ।
ଏହି ଅବସରରେ ପ୍ରମୁଖ ଶାସନ ସଚିବ ଶ୍ରୀ ଚଢା କହିଛନ୍ତି ଯେ ଓଡିଶାର ଫଳ ଏବଂ ପନିପରିବା କ୍ଷେତ୍ର ଅନେକ ଆହ୍ୱାନର ସମ୍ମୁଖୀନ ହୋଇଛି ଯାହା କୃଷକ ସ୍ତରରେ ଉତ୍ପାଦନ ଠାରୁ ଆରମ୍ଭ କରି ଶେଷ ମୁଣ୍ଡରେ ଥିବା ଗ୍ରାହକ ସ୍ତରରେ ବଜାର ବ୍ୟବସ୍ଥା ପର୍ଯ୍ୟନ୍ତ ମୂଲ୍ୟ ଶୃଙ୍ଖଳା ସହିତ ଜଡିତ ପ୍ରାୟ ସମସ୍ତ ହିତାଧିକାରୀଙ୍କୁ ପ୍ରଭାବିତ କରିଥାଏ । ଗୁଣାତ୍ମକ ଉତ୍ପାଦନରେ ଉଚ୍ଚ ତାରତମ୍ୟ, ସଂରଚନା ଏବଂ ବୈଜ୍ଞାନିକ ପ୍ରକ୍ରିୟାକରଣ ଭିତ୍ତିଭୂମିର ଅଭାବ, ବ୍ୟବସ୍ଥିତ ଏବଂ ଅପଡେଟ୍ ଯୋଗାଣ ଶୃଙ୍ଖଳା ଭିତ୍ତିଭୂମିର ଅଭାବ ଏବଂ ମଧ୍ୟସ୍ଥିଙ୍କ ଦ୍ୱାରା ଶୋଷଣକାରୀ ଭୂମିକା ହେଉଛି କେତେକ ପ୍ରମୁଖ ଆହ୍ୱାନ ଯାହା ତୁରନ୍ତ ହସ୍ତକ୍ଷେପ ଓ ସମାଧାନ ଆବଶ୍ୟକ କରେ । ଏକ ସ୍ଥାୟୀ ସମାଧାନ ଗୁରୁତ୍ୱପୂର୍ଣ୍ଣ ମୂଲ୍ୟ ଶୃଙ୍ଖଳା ବ୍ୟବସାୟୀଙ୍କୁ ଏକ ପ୍ଲାଟଫର୍ମକୁ ଆଣିବା ଆବଶ୍ୟକ କରେ ଯାହା କ୍ଷୁଦ୍ର ଚାଷୀମାନଙ୍କୁ ଲାଭ ଦେବା ପାଇଁ ବୈଷୟିକ ହସ୍ତକ୍ଷେପ ମାଧ୍ୟମରେ ପ୍ରତ୍ୟେକ ସ୍ତରରେ ପ୍ରମୁଖ ସମସ୍ୟାର ସମାଧାନ କରିଥାଏ ।
ଏହି ସମସ୍ୟାର ସମାଧାନ ପାଇଁ ଆଇସିଆରଆଇଏସଏଟି ଏହାର ଅନ୍ୟତମ ସଂସ୍ଥା, ଆନ୍ତର୍ଜାତୀୟ କ୍ରପ୍ ରିସର୍ଚ୍ଚ ଇନଷ୍ଟିଚ୍ୟୁଟ୍ର ଏଗ୍ରି-ବିଜନେସ୍ ଇନକ୍ୟୁବେଟର ସେମି-ଆରିଡ୍ ଟ୍ରପିକ୍ସ (ଆିସିଆରଆଇଏସଏସି-ଢ଼ବିଆଇ) ପକ୍ଷରୁ ଚୁକ୍ତିନାମା ସ୍ୱାକ୍ଷର କରିଛି । ଆଇସିଆରଆଇଏସଏଟି ହେଉଛି ଏକ ‘ଆନ୍ତର୍ଜାତୀୟ ସଂଗଠନ\’, ଯାହା ମିଳିତ ଜାତିସଂଘର ପିଭିଲେଜେସ୍ ଏବଂ ଇମ୍ୟୁନିଟି ଅଧିନିୟମ -୧୯୭୭ ଅନୁଯାୟୀ ଏବଂ ଭାରତ ସରକାରଙ୍କ ବୈଦେଶିକ ବ୍ୟାପାର ମନ୍ତ୍ରଣାଳୟ ଦ୍ୱାରା ଗେଜେଟରେ ସୂଚିତ କରାଯାଇଛି ।
ଆରଏମସିଗୁଡିକୁ କାର୍ଯ୍ୟକ୍ଷମ କରିବା, ବଜାର ଲିଙ୍କେଜ୍ ବିକାଶ ଏବଂ ଓଡିଶାରେ ଯୋଗାଣ ଶୃଙ୍ଖଳା ପରିଚାଳନା ସହିତ କୃଷକମାନଙ୍କୁ ସଶକ୍ତିକରଣ ମାଧ୍ୟମରେ କୃଷି ବଜାର ବ୍ୟବସ୍ଥାକୁ ରୂପାନ୍ତର କରିବା ଏହି ପ୍ରକଳ୍ପର ଲକ୍ଷ୍ୟ ଅଟେ । ଆରଏମସି ଅଞ୍ଚଳରେ ପ୍ରକ୍ରିୟାକରଣ କେନ୍ଦ୍ର / ପ୍ୟାକେଜିଂ ଗୃହ, ମହିଳାଙ୍କ ନେତୃତ୍ୱରେ ଏସଏଚଜି ଗୁଡ଼ିକର ବଜାର ଲିଙ୍କେଜ୍ ପ୍ରତିଷ୍ଠା ଏବଂ ବଜାର ସୂଚନା ପ୍ରଣାଳୀ / ଏମଆଇଏସ୍ ଡାସବୋର୍ଡ ପ୍ଲାଟଫର୍ମର ବିକାଶ ବୋଲି ସେ କହିଛନ୍ତି ।
ଆଇସିଆରଆଇଏସଏଟି-ଏବିଆଇ ଦ୍ୱାରା କରାଯିବାକୁ ଥିବା ପ୍ରମୁଖ କାର୍ଯ୍ୟକଳାପ, ରାଜିନାମାର ଧାରା ଅନୁଯାୟୀ ତାଜା ଉତ୍ପାଦ ପାଇଁ ବଜାର, ବିଭିନ୍ନ ସହରରେ ଖୁଚୁରା ଆଉଟଲେଟ୍ ଏବଂ କ୍ରେତାମାନଙ୍କର ପ୍ରାଥମିକ ସର୍ବେକ୍ଷଣ, ଚାହିଦା ମୂଲ୍ୟାଙ୍କନ ଉପରେ ଦ୍ୱିତୀୟ ପକ୍ଷ ଅନୁସନ୍ଧାନ, ଆବଶ୍ୟକତା କ୍ୟାଲେଣ୍ଡର ଉପରେ ଅଧ୍ୟୟନ, ପ୍ୟାକେଜିଂ ଆବଶ୍ୟକତା ଏବଂ ମୂଲ୍ୟ ର୍ନିଧାରଣ, ଗ୍ରାହକ ବିଭାଗଗୁଡିକର ଚିହ୍ନଟ ଏବଂ ବିଭିନ୍ନ ବର୍ଗରେ କ୍ରୟ ଆଚରଣକୁ ଅଗ୍ରାଧିକାର, ଗ୍ରାହକଙ୍କୁ ମୂଲ୍ୟାଙ୍କନ ଏବଂ ସମ୍ଭାବ୍ୟ ବଜାର ସୁଯୋଗ, ବ୍ୟବସାୟ ପ୍ରକ୍ରିୟା ମ୍ୟାପିଂ, ପ୍ରକ୍ରିୟାରେ ଆବଶ୍ୟକତା-ପାର୍ଥକ୍ୟ ଚିହ୍ନଟ, ଉତ୍ପାଦନ ପାଇଁ ଡିଜିଟାଲ ଏବଂ ଭୌତିକ ପ୍ରକ୍ରିୟାକୁ ଶୃଙ୍ଖଳିତ କରିବା, କୃଷକ ଏବଂ କ୍ରେତାଙ୍କୁ ଯୋଡିବା ପାଇଁ ବ୍ୟବସାୟିକ ପ୍ରକ୍ରିୟା , ପଦୋନ୍ନତି ଏବଂ ମାର୍କେଟିଂ କୌଶଳର ଚିହ୍ନଟ ଏବଂ ଗ୍ରାହକ ଅଧିଗ୍ରହଣ ଯୋଜନା ।
ପ୍ରକଳ୍ପର ଅବଧି ରାଜିନାମା ଦସ୍ତଖତ ହେବା ଦିନଠାରୁ ୩ ବର୍ଷ ହେବ । ଏହି ପ୍ରକଳ୍ପର କାର୍ଯ୍ୟକାରିତା ପାଇଁ ନୋଡାଲ୍ ଅଧିକାରୀ ମୁଖ୍ୟ କାର୍ଯ୍ୟର୍ନିବାହୀ ଅଧିକାରୀ (ସିଇଓ), ଏଆଇପି-ଆଇସିଆରଆଇଏସଏଟି ହେବେ । ସଂଗଠନ ଓଏସଏଏମ ବୋର୍ଡକୁ ପ୍ରକଳ୍ପର ତିନୋଟି ଭିନ୍ନ ପର୍ଯ୍ୟାୟରେ ରିପୋର୍ଟ ଦାଖଲ କରିବ – ଗୋଟିଏ ପ୍ରାରମ୍ଭିକ ପର୍ଯ୍ୟାୟରେ, ପ୍ରକଳ୍ପର ଅଗ୍ରଗତି ସୂଚାଉଥିବା ତୈମାସିକ ରିପୋର୍ଟ ଏବଂ ଏପ୍ରିଲ୍ ୨୦୨୬ ରେ ଗୋଟିଏ ଚୂଡ଼ାନ୍ତ ସମାପ୍ତି ରିପୋର୍ଟ ଦେବେ ।
ଶ୍ରୀ ଚଢା ଆହୁରି ମଧ୍ୟ ସୂଚନା ଦେଇଛନ୍ତି ଯେ ପ୍ରକଳ୍ପର ସଫଳ କାର୍ଯ୍ୟ ସମାପ୍ତ ହେବା ପରେ ଫଳ ଏବଂ ପନିପରିବା କ୍ଷେତ୍ରରେ ବଡ ପରିବର୍ତ୍ତନ ଆଣିବାକୁ ବୋର୍ଡ ଲକ୍ଷ୍ୟ ରଖିଛି, ଶେଷରେ ପ୍ରାଥମିକ ଉତ୍ପାଦକମାନଙ୍କୁ ବିଶେଷ କରି କ୍ଷୁଦ୍ର ଏବଂ ମଧ୍ୟମ ଚାଷୀମାନଙ୍କୁ ସଶକ୍ତ କରିବ ଯାହା ପରବର୍ତ୍ତୀ ସମୟରେ କୃଷକଙ୍କ ଆୟ ଦ୍ୱିଗୁଣିତ କରିବାର ଲକ୍ଷ୍ୟ ପୂରଣ କରିବ । ଭବିଷ୍ୟତରେ ଏହା କୃଷି ମୂଲ୍ୟ ଶୃଙ୍ଖଳରେ ମଧ୍ୟସ୍ଥିଙ୍କ ଭୂମିକାକୁ ହ୍ରାସ କରିବ ଏବଂ ଡବ୍ଲୁଏସଏଚଜି / ଏଫ୍ପିଓ କୁ ଦେଶର ଇ- ନାମ ଇକୋସିଷ୍ଟମ ସହିତ ଯୋଡିବ ।
