ଭୁବନେଶ୍ବର: ରାଜ୍ୟର ଆଇଟି ଇକୋସିଷ୍ଟମକୁ ଆହୁରି ବିସ୍ତାର କରିବା ଉଦେଶ୍ୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଚନ୍ଦକା ଇଣ୍ଡଷ୍ଟ୍ରିଆଲ ଇଷ୍ଟେଟର ଓ-ହବରେ ଇୱାଇ ଟେକ୍ନୋଲୋଜି ହବ ଉଦଘାଟନ କରିଛନ୍ତି। ଉଦଘାଟନ ଉତ୍ସବରେ ୫ଟି ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ ଉପସ୍ଥିତ ଥିଲେ। ଆଇଟି ମନ୍ତ୍ରୀ ତୁଷାରକାନ୍ତି ବେହେରା, ଓଡିଶାର କ୍ଲାଏଣ୍ଟ ସର୍ଭିସ ପାର୍ଟନର ମିତ୍ରଭାନୁ ଚୌଧୁରୀ, ଇୱାଇ ମ୍ୟାନେଜିଂ ପାର୍ଟନର ଇଷ୍ଟ ହରିଶ ଅଗ୍ରୱାଲଙ୍କ ସମେତ ଆଇଟି ବିଭାଗର ସଚିବ ଓ ବିଭାଗୀୟ ଉଚ୍ଚ ପଦସ୍ତ ଅଧିକାରୀ ମଧ୍ୟ ଉପସ୍ଥିତ ଥିଲେ । ଇୱାଇ ଟେକ୍ନୋଲୋଜି ସେଣ୍ଟର ଓଡ଼ିଶାରେ ଆରମ୍ଭ ହୋଇଥିବାରୁ ଏହା ନିଶ୍ଚିତତା, ଟିକସ, ରଣନୀତି, କାରବାର ଏବଂ ପରାମର୍ଶ ସେବାରେ ବିଶ୍ୱସ୍ତରୀୟ ସେବା ପ୍ରଦାନ କରିବାରେ ସହାୟକ ହେବ। ବର୍ତ୍ତମାନ ଭୁବନେଶ୍ୱରକୁ ଭାରତର ୧୫ ତମ ଉପସ୍ଥିତି ସହର ଭାବରେ ଇୱାଇ ଯୋଡିଛନ୍ତି ।
ଯାହା ରାଜ୍ୟର ବଢୁଥିବା ଆର୍ଥିକ ପ୍ରବୃତ୍ତି ଏବଂ ବ୍ୟବସାୟିକ ଦୃଶ୍ୟ ପ୍ରତି ପ୍ରତିବଦ୍ଧତା ପ୍ରଦର୍ଶନ କରିବାକୁ ଯାଉଛି ବୋଲି ଇୱାଇ ପକ୍ଷରୁ ସୂଚନା ମିଳିଛି। ଓ-ହବରେ ୧୫ ହଜାର ବର୍ଗଫୁଟ ଅତ୍ୟାଧୁନିକ ଭିତ୍ତିଭୂମି ସହ ଭୁବନେଶ୍ୱରରେ ଇୱାଇ ର ବିସ୍ତାରିତ ଉପସ୍ଥିତି ଓଡିଶା ପାଇଁ ସୁଯୋଗ ସୃଷ୍ଟି କରିବା ସହିତ କମ୍ପାନୀକୁ ଓଡିଶାର ବୈଷୟିକ ଶିକ୍ଷାଗତ ପରିବେଶରୁ ସମ୍ଭାବ୍ୟ ପ୍ରତିଭାକୁ ବ୍ୟବହାର କରିବାରେ ସକ୍ଷମ କରିବ। ଇୱାଇ ଇଣ୍ଡିଆ ବର୍ତ୍ତମାନ ୧୫ ଟି ସହରରେ କାର୍ଯ୍ୟ ଆରମ୍ଭ କରିଛି। ବିଶେଷକରି ଅହମ୍ମଦାବାଦ, ବାଙ୍ଗାଲୋର, ଚଣ୍ଡିଗଡ଼, ଚେନ୍ନାଇ, ହାଇଦ୍ରାବାଦ, ଜୟପୁର, ଜାମସେଦପୁର, କୋଚି, କୋଲକାତା, ମୁମ୍ବାଇ, ଏନସିଆର ନୂଆଦିଲ୍ଲୀ, ଗୁରୁଗାଓଁ,ନୋଏଡା, ପୁଣେ ଏବଂ ଭୁବନେଶ୍ୱରରେ କାର୍ଯ୍ୟ କରିବ ବୋଲି ଇଏ ମ୍ୟାନେଜିଙ୍ଗ ପାର୍ଟନର ଇଷ୍ଟ ସୂଚନା ଦେଇ କହିଛନ୍ତ ।
