ନୂଆଦିଲ୍ଲୀ: ଟେସଲା ଓ ଏକ୍ସ ଭଳି କମ୍ପାନିର ମାଲିକ ଏଲନ୍ ମସ୍କଙ୍କ ଭାରତ ଗସ୍ତକୁ ସମସ୍ତେ ଉତ୍ସୁକତାର ସହ ଅପେକ୍ଷା କରିଥିଲେ ମଧ୍ୟ ମସ୍କଙ୍କ ଗସ୍ତ ବିଳମ୍ବିତ ହୋଇଛି। ତାଙ୍କର ଭାରତ ଗସ୍ତ (ଏଲନ୍ ମସ୍କ ଭାରତ ଗସ୍ତ) ବର୍ତ୍ତମାନ ପାଇଁ ସ୍ଥଗିତ ରଖାଯାଇଛି। ସେ ଏକ୍ସରେ ଲେଖିଛନ୍ତି ଯେ ଟେସଲାର କେତେକ ଜରୁରୀ କାମ ଯୋଗୁଁ ତାଙ୍କର ଭାରତ ଗସ୍ତ ବିଳମ୍ବିତ ହୋଇଛି। ପୂର୍ବରୁ ଖବର ଆସିଥିଲା ଯେ ମସ୍କ ଆସନ୍ତା ସପ୍ତାହରେ ଭାରତ ଆସୁଛନ୍ତି ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିବେ।
ନିକଟରେ ଟେସଲା କମ୍ପାନିରେ ବଡ଼ ଧରଣର କର୍ମଚାରୀଙ୍କୁ ଛଟେଇ କରାଯାଇଛି। ଏହି ପର୍ଯ୍ୟାୟ ଛଟେଇ ପରେ ତାଙ୍କର ଭାରତ ଗସ୍ତକୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଥିଲା। ସେପଟେ ଦେଶରେ ଲୋକସଭା ନିର୍ବାଚନ ମଧ୍ୟରେ ଚାଲିଥିବା ରାଲିକୁ ନେଇ ମଧ୍ୟ ପ୍ରଧାନମନ୍ତ୍ରୀ ମୋଦୀ ବହୁତ ବ୍ୟସ୍ତ ଅଛନ୍ତି । ଆସନ୍ତା ସପ୍ତାହ ପ୍ରାରମ୍ଭରେ ପ୍ରଧାନମନ୍ତ୍ରୀ ମୋଦୀଙ୍କ ସହ ମସ୍କଙ୍କ ସାକ୍ଷାତ ହେବାର ଥିଲା। କିନ୍ତୁ ଏବେ ତାଙ୍କ ଭାରତ ଗସ୍ତକୁ ସ୍ଥଗିତ ରଖାଯାଇଛି। ତେବେ ଇଣ୍ଡିଆନ ଏକ୍ସପ୍ରେସର ଏକ ରିପୋର୍ଟ ଅନୁସାରେ ଭାରତ ଆସିବାକୁ ଏଲନ ମସ୍କ କେତେକ ସ୍ବତନ୍ତ୍ର ରିହାତି ମାଗିଥିଲେ, କିନ୍ତୁ ସରକାର ସେ ନେଇ କୌଣସି ସବୁଜ ସଂକେତ ଦେଇନାହାନ୍ତି । ଏନେଇ ସ୍ଥିତି ସ୍ପଷ୍ଟ ହୋଇନଥିବାରୁ ମସ୍କଙ୍କ ଗସ୍ତକୁ ସ୍ଥଗିତ ରଖାଯାଇଛି ।
