ନୂଆଦିଲ୍ଲୀ: ଆଜିକାଲି କିଛି ଲୋକ ପୁରୁଣା ପରମ୍ପରାରେ ରୋଷେଇ କରିବାକୁ ପସନ୍ଦ କରୁଛନ୍ତି। ଲୋକ ପୁରୁଣା ଦିନ ପରି ମାଟି ପାତ୍ରରେ ଖାଦ୍ୟ ରାନ୍ଧିବାକୁ ପସନ୍ଦ କରନ୍ତି। କିଛି ବର୍ଷରୁ ମାଟି ହାଣ୍ଡିରେ ରୋଷଇ କରିବା ଟ୍ରେଣ୍ଡ ମଧ୍ୟ ପାଲଟିଛି। କାରଣ ଏଥିରୁ ପ୍ରସ୍ତୁତ ଖାଦ୍ୟ ବହୁତ ଭଲ ଲାଗେ। ଆଉ ସ୍ବାସ୍ଥ୍ୟ ପାଇଁ ମଧ୍ୟ ଏହି ଖାଦ୍ୟ ଲାଭଦାୟକ। ତେବେ ଆସନ୍ତୁ ଜାଣିବା ମାଟି ହାଣ୍ଡିରେ ରୋଷୋଇ କରିବା ସମୟରେ କେଉଁ ୪ଟି ଜିନିଷ ପ୍ରତି ଧ୍ୟାନ ଦେବା ଉଚିତ୍।
ଏହା ସ୍ୱାସ୍ଥ୍ୟ ପାଇଁ ଲାଭଦାୟକ- ମାଟି ପାତ୍ରରେ ଖାଦ୍ୟ ରାନ୍ଧିବା ପୂର୍ବରୁ କିଛି ଜିନିଷ ଧ୍ୟାନରେ ରଖିବା ଉଚିତ୍। କାରଣ ଏହା ଆପଣଙ୍କୁ ଲାଭ ଦେବା ବଦଳରେ ଧୀରେ ଧୀରେ ଏହା ଆପଣଙ୍କ ସ୍ୱାସ୍ଥ୍ୟକୁ କ୍ଷତି ପହଞ୍ଚାଇପାରେ। ସେଥିପାଇଁ ଏକ ମାଟି ପାତ୍ରରେ ରୋଷେଇ କରିବା ସମୟରେ ଏହି ଜିନିଷଗୁଡ଼ିକୁ ଧ୍ୟାନରେ ରଖିବା ଉଚିତ୍।
ଏକ ମାଟି ପାତ୍ରରେ ରାନ୍ଧିବା ପୂର୍ବରୁ ଏହାକୁ ଧ୍ୟାନରେ ରଖନ୍ତୁ- ଏକ ମାଟି ପାତ୍ରରେ ଖାଦ୍ୟ ରାନ୍ଧିବା ପୂର୍ବରୁ ଏହାକୁ ଥରେ ପାଣିରେ ଭିଜାନ୍ତୁ, ତା’ପରେ ଏହାକୁ ପାଣିରୁ ବାହାର କରି ଶୁଖିଲା କପଡ଼ାରେ ପୋଛି ଦିଅନ୍ତୁ। ଏହାକୁ ଦୁଇ ମିନିଟ୍ ପାଇଁ କମ୍ ନିଆଁରେ ରଖନ୍ତୁ। ଏହା ପରେ ଆପଣ ଡାଲି, ଭାତ କିମ୍ବା ତରକାରୀ ତିଆରି କରିପାରିବେ।
ମାଟି ପାତ୍ରରେ ଖାଦ୍ୟ ରାନ୍ଧିବା ସମୟରେ ଅଧିକ ଆଞ୍ଚର ଆବଶ୍ୟତା ନାହିଁ। ଅଧିକ ଆଞ୍ଚରେ ରାନ୍ଧିବା ଦ୍ବାରା ରୋଷେଇ ସମୟରେ ମାଟି ହାଣ୍ଡି ଭାଙ୍ଗିଯିବାର ଅଧିକା ସମ୍ଭାବନା ରହିଥାଏ। କମ୍ ଆଞ୍ଚରେ ରାନ୍ଧିବା ଦ୍ୱାରା ଖାଦ୍ୟର ସ୍ୱାଦ ମଧ୍ୟ ବଢ଼ିଥାଏ। ମାଟିର ବାସନକୁ ସଫା କରିବା ପାଇଁ ଏକ ନରମ ସ୍କ୍ରବ୍ ବ୍ୟବହାର କରାଯିବା ଉଚିତ୍। ଏହାଦ୍ବାରା ଭାଙ୍ଗିବନି ଆପଣଙ୍କ ମାଟି ପାତ୍ର।