ଭୁବନେଶ୍ଵର: ଅର୍ଜୁନ ପୁରସ୍କାର ପାଇଁ ନାମ ଘୋଷଣା କଲା କ୍ରୀଡା ମନ୍ତ୍ରାଳୟ । ଏଥିରେ ଓଡିଶା ପାଇଁ ଆସିଛି ଖୁସି ଖବର । ଅର୍ଜୁନ ପୁରସ୍କାର ପାଇଁ ଆଥଲେଟ ଦୂତୀ ଚାନ୍ଦ ମନୋନୀତ ହୋଇଛନ୍ତି । ସେହିପରି ଆଜୀବନ ବର୍ଗରେ ୮ ଜଣ କୋଚ୍ଙ୍କୁ ଦ୍ରୋଣାଚାର୍ଯ୍ୟ ପୁରସ୍କାର ମିଳିବ । ନିୟମିତ ବର୍ଗରେ ୫ ଜଣଙ୍କୁ ଦ୍ରୋଣାଚାର୍ଯ୍ୟ ପୁରସ୍କାର ମିଳିବ ।
ଅନ୍ୟପଟେ ୫ ଜଣ ରାଜୀବ ଗାନ୍ଧି ଖେଳରତ୍ନ ପୁରସ୍କାର ପାଇଁ ମନୋନୀତ ହୋଇଛନ୍ତି । ସେମାନଙ୍କ ମଧ୍ୟରେ ସାମିଲ ଅଛନ୍ତି କ୍ରିକେଟର ରୋହିତ ଶର୍ମା, ପାରାଆଥଲେଟ୍ ମାରିୟାପାନ୍.ଟି, ଟେବୁଲ ଟେନିସରେ ମନିକା ବାତ୍ରା । ଏହା ସହ ରେସଲିଂରେ ବିନେଶ ଓ ହକିରେ ରାଣୀଙ୍କୁ ମଧ୍ୟ ଖେଳରତ୍ନ ପୁରସ୍କାର ପାଇଁ ମନୋନୀତ କରାଯାଇଛି ।
ଏହା ସହ ଚଳିତବର୍ଷ ୧୫ ଜଣ କ୍ରୀଡାବିତଙ୍କୁ ମିଳିବ ଧ୍ୟାନଚାନ୍ଦ ପୁରସ୍କାର । ୮ ଜଣଙ୍କୁ ମିଳିବ ତେନଜିଂ ନର୍ଗେ ଜାତୀୟ ଦୁଃସାହସିକ ପୁରସ୍କାର । ପଞ୍ଜାବ ବିଶ୍ବବିଦ୍ୟାଳୟକୁ ମିଳିବ ମୌଲାନା ଅବୁଲ କଲାମ ଆଜାଦ ଟ୍ରଫି ।
ଚଳିତ ବର୍ଷ ୨୭ ଜଣଙ୍କୁ ମିଳିବ ଅର୍ଜନ ପୁରସ୍କାର । ଆଥ୍ଲେଟିକ୍ସରେ ଓଡ଼ିଆ ଝିଅ ଦୂତି ଚାନ୍ଦ, କ୍ରିକେଟରେ ଈଶାନ୍ତ ଶର୍ମା, ଦିପ୍ତୀ ଶର୍ମା , ହକିରେ ଆକାଶ ଦୀପ ସିଂହ ଓ ଦୀପିକା, ତୀରନ୍ଦାଜୀରେ ଅତନୁ ଦାସ, ବ୍ୟାଡମିଣ୍ଟନ୍ରେ ସାତ୍ତ୍ବିକ ସାଇରାଜ, ଚିରାଗ ଚନ୍ଦ୍ରଶେଖର, ବାସ୍କେଟବଲ୍ରେ ବିଶେଷ ଭ୍ରୁଗବଂଶୀ, ବକ୍ସିଂରେ ସୁବେଦାର ମନୀଷ କୌଶିକ ଓ ଲୋଭଲିନା ବୋରଗୋହେନଙ୍କୁ ମିଳିବ ଅର୍ଜୁନ ପୁରସ୍କାର ।
ଦୂତୀଙ୍କୁ ମିଳିବ ଅର୍ଜୁନ ପୁରସ୍କାର
