ପାରାଦୀପ:ବଢୁଛି ବ୍ରାଉନସୁଗର କାରବାର । ଏହି ନିଶା କାରବାରର ଚେର ରାଜ୍ୟରୁ ବିଦେଶ ଯାଏ ଲମ୍ବିଛି । ଇଣ୍ଡୋନେସିଆଠାରୁ ଓଡ଼ିଶା ପୁଣି ଓଡ଼ିଶାରୁ ଡେନମାର୍କ ଦେଇ ଚାଲିଛି ଏହି କାରବାର । ହେଲେ କାହାରି ନଜରକୁ ଆସୁନି । ପାରାଦୀପ ବନ୍ଦର ଦେଇ କୋଟି କୋଟି ଟଙ୍କାର କୋକେନ କାରବାର ହେଉଛି । ଗତକାଲି ପାରାଦୀପ ବନ୍ଦର ନିଷିଦ୍ଧାଞ୍ଚଳ ମଧ୍ୟରେ ବିପୁଳ ପରିମାଣର କୋକେନ ଜବତ ହେବା ପରେ ଏହି ଘଟଣା ସାମ୍ନାକୁ ଆସିଛି ।
ପାରାଦୀପରେ ନଙ୍ଗର ପକାଇଥିବା MV DEBI PANAMA ଜାହାଜରୁ ଜବତ ହୋଇଥିଲା ୨୨ଟି ପ୍ୟାକେଟ । ଏଥିୂରେ ଥିଲା ୨୦ କେଜିର କୋକେନ । ଏହାର ମୂଲ୍ୟ ୨୨୦ କୋଟି ହେବ ବାେଲି ଅନୁମାନ କରାଯାଉଛି । ଜାହାଜଟି ଇଣ୍ଡୋନେସିଆରୁ ଆସିିଥିଲା । ଭାୟା ପାରାଦୀପ ଦେଇ ଡେନମାର୍କ ଯାଇଥାନ୍ତା । ହେଲେ କିଏ ପଠାଇଥିଲା ଏହି ନିଷିଦ୍ଧ ଡ୍ରଗ୍ସ ? କୁଆଡେ ଯାଇଥାନ୍ତା ? ଏ ନେଇ କଷ୍ଟମ ବିଭାଗ ପକ୍ଷରୁ ଖୋଳତାଡ ଆରମ୍ଭ ହୋଇଛି ।
ପାନାମା ରେଜିଷ୍ଟ୍ରେସନ ଏହି ଜାହାଜ ଇଣ୍ଡୋନେସିଆର ଗ୍ରେସିକ ବନ୍ଦରରୁ ଷ୍ଟିଲ ବୋଝେଇ କରି ପାରାଦୀପ ଅଭିମୁଖେ ଆସିଥିଲା । ଏହାର ସମସ୍ତ କ୍ରିୟୁ ମେମ୍ବର ଭିଏତନାମ ସହରର ବୋଲି ଜଣାପଡିଛି। ବିଶେଷ ସୂତ୍ରରୁ ଖବର ମିଳିବା ପରେ ଏହି ଜାହାଜ ରୁ କୋକେନ ଜବତ ହୋଇଥିବା ବେଳେ ସମସ୍ତ କ୍ରିୟୁ ମେମ୍ବରଙ୍କ ସହ ଜାହାଜର କ୍ୟାପଟେନଙ୍କୁ ପଚରା ଉଚରା ଚାଲିଛି ।
