ଆକ୍ରମଣ ପରେ କାନରେ ବ୍ୟାଣ୍ଡେଜ୍ ପିନ୍ଧି ନଜର ଆସିଲେ ଟ୍ରମ୍ପ

ୱାଶିଂଟନ୍ : ନିର୍ବାଚନ ରାଲିରେ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଆକ୍ରମଣ କରାଯାଇଥିଲା। ଡୋନାଲ୍ଡ ଟ୍ରମ୍ପ ଆକ୍ରମଣରୁ ଅଳ୍ପକେ ରକ୍ଷା ପାଇଥିଲେ । ଗୁଳିଟି ତାଙ୍କ କାନରେ ବାଜିଥିଲା । ତାଙ୍କ କାନରୁ ରକ୍ତ ବାହାରୁଥିବାର ଦେଖିବାକୁ ମଧ୍ୟ ମିଳିଥିଲା। ଏହି ଆକ୍ରମଣ ପରେ ପ୍ରଥମ ଥର ପାଇଁ ସେ କାନରେ ବ୍ୟାଣ୍ଡେଜ୍ ପିନ୍ଧିଥିବାର ନଜର ଆସିଛନ୍ତି । ଟ୍ରମ୍ପଙ୍କ ପୁରା କାନ ଏକ ବ୍ୟାଣ୍ଡେଜରେ ଆଚ୍ଛାଦିତ । ଏହା ଦର୍ଶାଏ ଯେ, ଟ୍ରମ୍ପଙ୍କ କାନରେ ଗଭୀର ଆଘାତ ଲାଗିଛି । ତେବେ ସୋମବାର ଦିନ ଟ୍ରମ୍ପ କାନରେ ବ୍ୟାଣ୍ଡେଜ ଲଗେଇ ରିପବ୍ଲିକାନ୍ ନ୍ୟାସନାଲ କନଭେନସନ୍ (ଆରଏନ୍ସି)ରେ ପହଞ୍ଚିଥିଲେ।