ନୂଆଦିଲ୍ଲୀ: ବଲିଉଡର ଜଣେ ଲୋକପ୍ରିୟ ଅଭିନେତ୍ରୀ ଥିଲେ ଦିବ୍ୟା ଭାରତୀ । ୯୦ ଦଶକରେ ସେ ବହୁ ସୁପରହିଟ୍ ଫିଲ୍ମ ଦେଇଛନ୍ତି। ତାଙ୍କ ଅଭିନୟର ଯାଦୁ ଆଜି ବି ପ୍ରଶଂସକଙ୍କ ହୃଦୟରେ ରହିଛି । ତେବେ ୧୯ ବର୍ଷ ବୟସରେ ତାଙ୍କ ଅକାଳ ବିୟୋଗ ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଥିଲା । ଶୋଲା, ଶବନମ, ରଙ୍ଗ୍, ଦିଲ୍ ଆଶାନ୍ ହେ ଓ ଦିୱାନ୍ ଫିଲ୍ମରେ ତାଙ୍କ ଅଭିନୟକୁ ଫ୍ୟାନ୍ସମାନେ ପସନ୍ଦ କରିଥିଲେ । ସେ ଗୋଟିଏ ବର୍ଷରେ ୪ରୁ ଅଧିକ ହିଟ୍ ଫିଲ୍ମ ଦେଇଥିଲେ । ହେଲେ ଆପଣମାନେ ଜାଣିଛନ୍ତି ସେ ଖିଲାଡି କୁମାର ଅକ୍ଷୟ ଏବଂ ସନ୍ନି ଦେଓଲଙ୍କ ସହ ମଧ୍ୟ କାମ କରିଛନ୍ତି । କିନ୍ତୁ ଏହି ଫିଲ୍ମ ପରଦାକୁ ଆସି ପାରି ନଥିଲା ।ଏକ ସୂଚନା ଅନୁସାରେ, ଅକ୍ଷୟ କୁମାର, ଦିବ୍ୟା ଭାରତୀ, ଡାନି ଡେନଜୋଙ୍ଗପା, ପ୍ରାଣଙ୍କୁ ୧୯୯୩ ମସିହାରେ ଫିଲ୍ମ ‘ପାରିନାମ’ରେ ଦେଖିବାକୁ ମିଳିଥାଆନ୍ତା। ପାର୍ଥ ଘୋଷ ଏହି ଫିଲ୍ମର ନିର୍ଦ୍ଦେଶନା ଦେଇଥିଲେ । ତେବେ ଦିବ୍ୟା ଭାରତୀଙ୍କ ମୃତ୍ୟୁ କାରଣରୁ ଏହି ଫିଲ୍ମ ରିଲିଜ ହୋଇପାରି ନଥିଲା। ଏହା ବ୍ୟତୀତ ୧୯୯୩ ମସିହାରେ ସନ୍ନି ଦେଓଲଙ୍କ ସହ ଦିବ୍ୟା ଭାରତୀଙ୍କୁ ‘ୟାତ୍ରା’ ଫିଲ୍ମରେ ଅଭିନୟ ଦେଖିବାକୁ ମିଳିଥାଆନ୍ତା । ଏହି ଫିଲ୍ମର ସୁଟିଂ ପ୍ରାୟ ଶେଷ ହୋଇଯାଇଥିଲା । କିନ୍ତୁ ଦିବ୍ୟା ଭାରତୀଙ୍କ ମୃତ୍ୟୁ ପରେ ଏହି ଫିଲ୍ମ ମଧ୍ୟ ବନ୍ଦ ହୋଇଗଲା । ତେବେ ଦିବ୍ୟା ଭାରତୀଙ୍କ ମୃତ୍ୟୁ ପରେ ତାଙ୍କର ଦୁଇଟି ଫିଲ୍ମ ‘ରଙ୍ଗ’ ଓ ‘ଶତରଞ୍ଜ’ ରିଲିଜ୍ ହୋଇଥିଲା ।
