ଢେଙ୍କାନାଳ : ଷ୍ଟେସନ ବଜାରସ୍ଥିତ ଜିଲ୍ଲା କାର୍ଯ୍ୟାଳୟ ପରିସରରେ ବାବା ସାହେବ ଭୀମରାଓ ଆମ୍ଭେଦକରଙ୍କ ଜୟନ୍ତୀ ବିକେଏମୟୁ ଜାତୀୟ ପରିଷଦ ଆନୁକୁଲ୍ୟରେ ସଭାପତି ଜମ୍ବେଶ୍ୱର ପୃଷ୍ଟିଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଉକ୍ତ ସଭାରେ ଜିଲ୍ଲା ସଂପାଦକ ରବି ରଥ କ୍ଷେତ ମୁଲିଆ ମାନଙ୍କ ପାଇଁ ଦେଶ ବ୍ୟାପି ଦାବି ଦିବସ ପାଳାନ କରାଯାଇଥିବା ବେଳେ ଢେଙ୍କାନାଳ ଜିଲ୍ଲା ପରିଷଦ ପକ୍ଷରୁ ଏହାକୁ ପାଳନ କରାଯିବା ଉପରେ ମତ ରଖିଥିଲେ । ଦାବି ଗୁଡିକ ମଧ୍ୟରେ କେନ୍ଦ୍ର ସରକାର ଓ ରାଜ୍ୟ ସରକାର ନିମ୍ନ ଦାବି ଗୁଡିକ କାର୍ଯ୍ୟକାରି କରିବା ଦିଗରେ ଦୃଷ୍ଟି ଦେବାକୁ ମତ ରଖିଛନ୍ତି ।
ଏଥି ମଧ୍ୟରୁ ଦଳିତ ଆଦିବାସୀଙ୍କ ଉପରେ ହେଉଥିବା ଅତ୍ୟାଚାର ବନ୍ଦ କରିବା, କ୍ଷେତ ମୁଲିଆ ମାନଙ୍କୁ ମନରେଗାରେ ୨୦୦ ଦିନ କାମ ଦେବା, ସର୍ବନିମ୍ନ ମଜୁରି ୬୦୦ ଟଙ୍କା, କ୍ଷେତ ମୁଲିଆ ମାନଙ୍କୁ ମାସିକ ୫ ହଜାର ଟଙ୍କା ପେନସନ ବ୍ୟବସ୍ଥା, ଘରଡିହ ପଟ୍ଟା ଓ ଘର ତିଆରି କରିବା ପାଇଁ ୫ ଲକ୍ଷ ଟଙ୍କା ପ୍ରଦାନ, ସାବକ କିସମ ଜଙ୍ଗଲ ଜମିରେ ଘର କରି ରହି ଆସୁଥିବା ପ୍ରଜାମାନଙ୍କୁ ପଟ୍ଟା ପ୍ରଦାନ ଆଦି ଦାବି ଗୁଡିକ ଅନ୍ତର୍ଭୁକ୍ତ । ଉକ୍ତ ବୈଠକରେ ସୁରେଶ ବେହେରା, କାମିନୀ ନାୟକ, ଜନାର୍ଦ୍ଦନ ନନ୍ଦ ପ୍ରମୁଖ ଉପସ୍ଥିତ ଥିଲେ । ପୁରୁଷତମ ନାୟକ ଧନ୍ୟବାଦ ଅର୍ପଣ କରିଥିଲେ ।
