ସଂସଦରେ ଧର୍ମେନ୍ଦ୍ର ପ୍ରଧାନଙ୍କୁ ଭବ୍ୟ ସ୍ୱାଗତ

ନୂଆଦିଲ୍ଲୀ: କେନ୍ଦ୍ର ଶିକ୍ଷାମନ୍ତ୍ରୀ ପଦରୁ ଇସ୍ତଫା ପରେ ପ୍ରଥମ ଥର ପାଇଁ ସଂସଦରେ ପହଞ୍ଚିଲେ ଧର୍ମେନ୍ଦ୍ର ପ୍ରଧାନ । ସଂସଦର ମକର ଦ୍ୱାରରେ ତାଙ୍କୁ ଏନଡିଏ ସାଂସଦମାନେ ସ୍ୱାଗତ ଜଣାଇଥିଲେ । ଏହି ଘଟଣାକୁ ନେଇ ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି । ଇସ୍ତଫା ପରେ ସୋମବାର ପ୍ରଥମ ଥର ପାଇଁ ସଂସଦ ଭବନରେ ପହଞ୍ଚିଥିଲେ ଓଡ଼ିଶାର ବରିଷ୍ଠ ନେତା ତଥା ପୂର୍ବତନ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେ ସଂସଦର ମକର ଦ୍ୱାରରେ ପହଞ୍ଚିବା ମାତ୍ରେ ଏନଡିଏର ସାଂସଦମାନେ ତାଙ୍କୁ ସ୍ୱାଗତ କରିଥିଲେ । ପାରମ୍ପରିକ ପାଗ ପିନ୍ଧାଇ ତାଙ୍କୁ ସମ୍ମାନ ଜଣାଇବା ସହ ସାଂସଦମାନେ ଏକାଠି ସଦନ ଭିତରକୁ ନେଇଥିଲେ ।ଏହି ଦୃଶ୍ୟ ସଂସଦ ପରିସରରେ ଆକର୍ଷଣର କେନ୍ଦ୍ରବିନ୍ଦୁ ପାଲଟିଥିଲା । ରାଜନୈତିକ ସୂତ୍ରମାନଙ୍କ ମତରେ, ଏହି ସ୍ୱାଗତ ମାଧ୍ୟମରେ ଏନଡିଏ ପକ୍ଷରୁ ଧର୍ମେନ୍ଦ୍ର ପ୍ରଧାନଙ୍କ ପ୍ରତି ସମର୍ଥନ ଓ ଏକତାର ବାର୍ତ୍ତା ଦେବାକୁ ଉଦ୍ୟମ କରାଯାଇଛି । ଅନ୍ୟପକ୍ଷରେ, ବିରୋଧୀ ଦଳମାନେ ମଧ୍ୟ ସଂସଦ ପରିସରରେ ନିଜ ରଣନୀତିକୁ ନେଇ ସକ୍ରିୟ ଥିଲେ ।