ବିହାର: ଦେଖନ୍ତୁ ଟିକେ ଭଲ କରି ଏହି ଦୃଶ୍ୟକୁ , ଯାହାକୁ ଦୂରରୁ ଦେଖିଲେ ଆମେ ଡରି ଘରୁ ବାହାରକୁ ବାହାରି ନଥାଉ । ବର୍ଷା ଦିନେ ସତର୍କତାର ସହ ଘରେ ଛୋଟ ପିଲାଙ୍କୁ ରଖିଥାଉ । କିନ୍ତୁ ଏଠାରେ ଟିକେ ଅଲଗା । ଦୃଶ୍ୟ ଦେଖିଲେ ମନକୁ କଥା ଆସୁଛି, ଲୋକମାନେ ସତେ ଯେପରି ବଡ ପୁରଷ୍କାର ଜିତିଛନ୍ତି । କିନ୍ତୁ ତାହା ନୁହେଁ, ଏହାର କିଛି ପୌରାଣିକ କଥା ମଧ୍ୟ ରହିଛି ।ବିହାରର ସମସ୍ତିପୁର ଜିଲ୍ଲାରେ ବାର୍ଶିକ ନାଗ ପଞ୍ଚମୀ ମେଳା ପାଇଁ ଶହ ଶହ ଭକ୍ତ ସିଂହିଆ ଘାଟରେ ଭିଡ ଜମାଇଥାନ୍ତି । ଆଉ ସେଠାରେ ନାଗ ପଞ୍ଚମୀ ଅବସରରେ ଶ୍ରଦ୍ଧାଳୁମାନେ ହାତରେ ସାପ ଧରି, ବେକରେ ଗୁଡାଇ ଖୁସି ମନରେ ନାଚିଥାନ୍ତି । ସ୍ଥାନୀୟ ଲୋକମାନେ କହିଛନ୍ତି ଯେ ବର୍ଷ ବର୍ଷ ଧରି ଚାଲିଥିବା ଏହି ମେଳାରେ କାହାକୁ ସାପ କାମୁଡ଼ି ନାହିଁ। ପୁରୋହିତମାନେ ଢୋଲ ବଜାଇ ଭଜନ ଗାନ କରନ୍ତି ।
ସମସ୍ତିପୁରରୁ ପ୍ରାୟ ୨୩ କିଲୋମିଟର ଦୂରରେ ସିନ୍ଧିଆ ଘାଟରେ ନାଗ ପଞ୍ଚମୀ ଦିନ ଏହି ମେଳା ଅନୁଷ୍ଠିତ ହୁଏ। ଏହି ମେଳା ଦେଖିବାକୁ ଅନ୍ୟ ରାଜ୍ୟରୁ ବହୁ ସଂଖ୍ୟକ ଲୋକ ଆସନ୍ତି। ଏହି ମେଳାରେ କରାଯାଇଥିବା ମନସ୍କାମନା ପୂରଣ ହୁଏ ବୋଲି ବିଶ୍ୱାସ ରହିଛି।ଗତ ତିନିଶହ ବର୍ଷ ଧରି ବିହାରର ଏହି ଜିଲ୍ଲାରେ ପାରମ୍ପରିକ ଭାବରେ ସାପ ମେଳା ଆୟୋଜନ ହୋଇଆସୁଛି।ବିଶ୍ୱାସ କରାଯାଏ ଯେ ବର୍ଷ ବର୍ଷ ପୂର୍ବରୁ ଋଷି ଏବଂ ସନ୍ଥମାନେ କୁଶରୁ ସାପ ତିଆରି କରି ପୂଜା କରୁଥିଲେ। କିନ୍ତୁ ଏବେ ଲୋକମାନେ ପ୍ରକୃତ ସାପ ଧରି ପୂଜା କରନ୍ତି।
ଗ୍ରାମବାସୀମାନେ କହିଛନ୍ତି ଯେ ଏହି ମେଳା ମିଥିଳାର ଏକ ପ୍ରସିଦ୍ଧ ମେଳା। ଏଠାରେ ଶହ ଶହ ବର୍ଷ ଧରି ସର୍ପ ଦେବତାଙ୍କ ପୂଜା ଚାଲିଆସୁଛି। ଏଠାରେ, ମୂଳତଃ ବିଶହରୀଙ୍କୁ ପୂଜା କରାଯାଏ। ମହିଳାମାନେ ସେମାନଙ୍କ ବଂଶ ବୃଦ୍ଧି ପାଇଁ ସର୍ପ ଦେବତାଙ୍କୁ ପ୍ରାର୍ଥନା କରନ୍ତି। ଇଚ୍ଛା ପୂରଣ ହେବା ପରେ, ସେମାନେ ନାଗ ପଞ୍ଚମୀ ଦିନ ଗହ୍ୱରଙ୍କୁ ଝାପ ଏବଂ ପ୍ରସାଦ ଅର୍ପଣ କରନ୍ତି।ନାଗ ପଞ୍ଚମୀ ଅବସରରେ, ଭକ୍ତମାନେ ମାତା ବିଶରୀଙ୍କ ନାମରେ ମୁହଁରେ ବିଷାକ୍ତ ସାପ ଧରି ଆଶ୍ଚର୍ଯ୍ୟଜନକ କାର୍ଯ୍ୟ କରନ୍ତି। ଏହି ସମୟରେ, ଶହ ଶହ ଲୋକ ହାତରେ ସାପ ଧରି ବୁଢି ଗଣ୍ଡକ ନଦୀର ସିଂଘିଆ ଘାଟ ସେତୁରେ ପହଞ୍ଚନ୍ତି ଏବଂ ନଦୀରେ ପ୍ରବେଶ କରିବା ପରେ, ମାତାଙ୍କ ନାମ ନେଇ ଡଜନ ଡଜନ ସାପକୁ ବାହାର କରନ୍ତି। ଭକ୍ତମାନେ ବିଶରୀଙ୍କ ପୂଜା କରନ୍ତି ଏବଂ ତାଙ୍କ ନାମ ଜପ କରନ୍ତି। ପୂଜା ପରେ, ସାପଗୁଡ଼ିକୁ ଜଙ୍ଗଲରେ ଛାଡି ଦିଆଯାଏ।
