ଯାତ୍ରୀଙ୍କ ପ୍ରବଳ ଚାହିଦା ସତ୍ତ୍ୱେ ସମୟାନୁବର୍ତ୍ତିତା ବଜାୟ ରଖିଛି ଭାରତୀୟ ରେଳବାଇ

ଅତ୍ୟଧିକ ଚାହିଦା ସତ୍ତ୍ୱେ ଭାରତୀୟ ରେଳବାଇ ଏହାର ଯାତ୍ରୀମାନଙ୍କୁ ସୁରକ୍ଷିତ, ଆରାମଦାୟକ ଏବଂ ନିରନ୍ତର ତଥା ସମୟାନୁବର୍ତ୍ତିତା ସେବା ପ୍ରଦାନ ଜାରି ରଖିଛି । ଉନ୍ନତ ନିରୀକ୍ଷଣ, ସମୟ ସାରଣୀ ଯୁକ୍ତିସଙ୍ଗତକରଣ, ଉନ୍ନତ ରକ୍ଷଣାବେକ୍ଷଣ ଏବଂ ଭିତ୍ତିଭୂମିର ଉନ୍ନତିକରଣ ମାଧ୍ୟମରେ ଏହା କରାଯାଉଛି। ରେଳବାଇର ତଥ୍ୟ ଅନୁଯାୟୀ, ଟ୍ରେନ୍ର ସମୟାନୁବର୍ତ୍ତିତା ହାର ୨୦୧୮-୧୯ରେ ୬୯.୨ ପ୍ରତିଶତ ଥିବାବେଳେ ୨୦୨୫-୨୬ରେ ଏହା ୭୭.୪୩ ପ୍ରତିଶତକୁ ବୃଦ୍ଧି ପାଇଛି। ସେହିପରି, ୨୦୨୬-୨୭ ଆର୍ଥିକ ବର୍ଷରେ ଏପର୍ଯ୍ୟନ୍ତ ଏହି ହାର ୭୭.୧୧ ପ୍ରତିଶତ ରହିଛି। ଗତ ତିନି ବର୍ଷ ଧରି, ଚଳିତ ବର୍ଷ ସମେତ, ରେଳବାଇ ୭୭ ପ୍ରତିଶତରୁ ଅଧିକ ସମୟାନୁବର୍ତ୍ତିତା ବଜାୟ ରଖିଛି। ଏହା ୨୦୨୩-୨୪ର ୭୩.୬୨ ପ୍ରତିଶତ ତୁଳନାରେ ଉଲ୍ଲେଖନୀୟ ଉନ୍ନତିକୁ ଦର୍ଶାଉଛି। ବର୍ତ୍ତମାନ ସୋସିଆଲ ମିଡିଆରେ ପ୍ରସାରିତ ହେଉଥିବା ସମୟାନୁବର୍ତ୍ତିତା ପରିସଂଖ୍ୟାନକୁ ପ୍ରସଙ୍ଗ ବାହାରେ ବ୍ୟବହାର କରାଯାଉଛି ଏବଂ ତେଣୁ ଏହା ବିଭ୍ରାନ୍ତିକର। ଦୁଇ ବର୍ଷର ତୁଳନା କେହି କରିପାରିବେ ନାହିଁ, ଯେତେବେଳେ ଭାରତରେ ଟ୍ରେନ୍ ପୂର୍ଣ୍ଣ କ୍ଷମତାରେ ଚାଲୁ ନଥିଲା। ତେଣୁ କୋଭିଡ ସମୟରେ ଭାରତୀୟ ଟ୍ରେନଗୁଡ଼ିକର ଅଧିକ ସମୟାନୁବର୍ତ୍ତୀତା ନିଶ୍ଚିତ ଭାବରେ ତୁଳନା ପାଇଁ ଉପଯୁକ୍ତ ସନ୍ଦର୍ଭ ନୁହେଁ। ଥରେ ସ୍ୱାଭାବିକ କାର୍ଯ୍ୟ ଆରମ୍ଭ ହେବା ପରେ, ସମୟାନୁବର୍ତ୍ତୀତା ଦୀର୍ଘକାଳୀନ ହାରାହାରିର ନିକଟତର ହୋଇଛି ଏବଂ ପୁଣି କ୍ରମାଗତ ଭାବରେ ଉନ୍ନତି କରୁଛି । ଏହା ପୁଣି ଥରେ ଦୋହରାଯାଇଛି ଯେ ୨୦୨୦-୨୧ ଏବଂ ୨୦୨୧-୨୨ ର ଅସ୍ବାଭାବିକ ଭାବେ ଅଧିକ ସଂଖ୍ୟା ରେକର୍ଡ କରାଯାଇଥିଲା ଯେତେବେଳେ ମହାମାରୀ ହେତୁ ବହୁତ କମ୍ ଟ୍ରେନ୍ ଚାଲୁଥିଲା ।