ନନ୍ଦନକାନନରେ ଘଡ଼ିଆଳ କୁମ୍ଭୀରର ମୃତ୍ୟୁ

ବାରଙ୍ଗ: ବାଘ ଠାରୁ ଆରମ୍ଭ କରି ସିଂହ ପର୍ଯ୍ୟନ୍ତ ବହୁ ଅମୂଲ୍ୟ ପ୍ରାଣୀ ସମ୍ପଦକୁ ହରାଇଲାଣି ପ୍ରାଣୀ ଉଦ୍ୟାନ । ଏବେ କୁମ୍ବୀର ମୃତ୍ୟୁ ଖବର ସାମ୍ମାନକୁ ଆସିଛି । ନନ୍ଦନକାନନ ପ୍ରାଣୀ ଉଦ୍ୟାନରେ ୪୦ ନମ୍ବର ଖୁଆଡ଼ରେ ରହୁଥିବା ଏକ ଘଡ଼ିଆଳ କୁମ୍ଭୀର ମରିଥିବା ଶନିବାର ଦିନ ସୂଚନା ମିଳିଛି । ସକାଳେ ଖୁଆଢ଼ ଦାୟିତ୍ୱରେ ଥିବା ଜନ୍ତୁ ରକ୍ଷକ କୁମ୍ଭୀରଟି ମରିପଡ଼ିଥିବା ଦେଖିବାକୁ ପାଇ ନନ୍ଦନକାନନ କର୍ତ୍ତୃପକ୍ଷଙ୍କୁ ଜଣାଇଥିଲେ । ତେବେ କୁମ୍ଭୀରଟିର ମୃତ୍ୟୁ ସମ୍ପର୍କରେ ସଠିକ କାରଣ ଜଣାପଡ଼ିନଥିବା ବେଳେ ପୋଷ୍ଟମଟମ ରିପୋର୍ଟ ଆସିଲାପରେ ତାର ମୃତ୍ୟୁର କାରଣ ଜଣାପଡ଼ିବ ବୋଲି ସୂଚନା ମିଳିଛି ।