ନୀଳଗିରି : ହାତୀ ଆକ୍ରମଣରେ ଆହତ ଯୁବକଙ୍କ କଟକ ବଡ଼ ମେଡିକାଲରେ ମୃତ୍ୟୁ ହୋଇଯାଇଛି । ଏଥିରେ ଉତ୍ତ୍ୟକ୍ତ ଲୋକେ କ୍ଷତିପୂରଣ ଦାବିରେ ଶବ ରଖି କୁଲଡିହା ରେଞ୍ଜ ଅଫିସ ଆଗରେ ଧାରଣା ଦେଇଥିଲେ ।
ସୂଚନା ଅନୁଯାୟୀ, ଗତ ୧୫ରେ କୁଲଡିହା ରେଞ୍ଜ୍ ଅଧୀନ ଗରଡିହି ପଞ୍ଚାୟତର ଚାଇନ୍ଦର ଗ୍ରାମର ୧୨ନମ୍ବର ୱାର୍ଡର ମେମ୍ବର ସୁଦାମ ସିଂ (୩୫) ଛେଳି ନେଇ ଜଙ୍ଗଲରୁ ଫେରୁଥିବା ବେଳେ ହାତୀ ଆକ୍ରମଣର ଶୀକାର ହୋଇଥିଲେ । ଗୁରୁତର ଅବସ୍ଥାରେ ପ୍ରଥମେ ନୀଳଗିରି ଓ ପରେ ବାଲେଶ୍ୱର ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା । ସେଠାରୁ କଟକ ପଠାଯାଇଥିବାବେଳେ ଚିକିତ୍ସିତ ଅବସ୍ଥାରେ ତାଙ୍କର ମୃତ୍ୟୁ ହୋଇଯାଇଛି । ତେଣୁ ତୁରନ୍ତ କ୍ଷତିପୂରଣ ଦିଆଯାଉ ବୋଲି ଯୁଗାନନ୍ଦ ଦାସ, ଜ୍ୟୋତିର୍ମୟ ରାଉତ, ଭାଗୀରଥି ସିଂ, ସୁରେଶ ନାୟକ, ଉପେନ୍ଦ୍ର ଦାସ, ରଥ ସିଂ, ବୈଦ୍ୟନାଥ ସିଂ, ସୁରେନ୍ଦ୍ର ଖିଲାର, ରାଜେଶ ନାୟକ ପ୍ରମୁଖ ଧାରଣାରେ ବସିଥିଲେ । ରେଞ୍ଜର ବିଜୟ କୁମାର ମହାପାତ୍ର ଲିଖିତ ପ୍ରତିଶ୍ରୁତି ଦେବାପରେ ଧାରଣା ପ୍ରତ୍ୟାହୃତ ହୋଇଥିଲା ।
ହାତୀ ଆକ୍ରମଣରେ ମୃତ୍ୟୁ, କ୍ଷତିପୂରଣ ଦାବିରେ ଗାଁ’ଲୋକଙ୍କ ଧାରଣା
