ବଲାଙ୍ଗିର, – ବଲାଙ୍ଗିର ସହରର କେତେକ ସ୍ଥାନରେ ଆସନ୍ତା କାଲି କର୍ଫ୍ୟୁ ଜାରୀ କରାଯାଇଛି । ଏହି ସ୍ଥାନ ମାନଙ୍କ ରେ ସକାଳ ୯ ଟା ରୁ ସନ୍ଧ୍ୟା ୬ଟା ପର୍ଯ୍ୟନ୍ତ ୧୪୪ ଧାରା ଅନୁଯାୟୀ କର୍ଫ୍ୟୁ ଜାରି କରାଯିବା ନେଇ ଜିଲ୍ଲା ପ୍ରସାଶନ ସୂଚନା ଦେଇଛି । ସୂଚନା ଯୋଗ୍ୟ ଯେ ତାମିଲନାଡୁ ର ତିରିପୁର ରୁ ଏକ ଟ୍ରେନ ପ୍ରବାସୀ ଶ୍ରମିକଙ୍କୁ ନେଇ ଆସନ୍ତା କାଲି ଦିନ ଏଗାର ଟା ସମୟରେ ବଲାଙ୍ଗିର ପହଞ୍ଚିବ । ପ୍ରବାସୀ ଶ୍ରମିକମାନେ ବଲାଙ୍ଗିର ଷ୍ଟେଶନ ରେ ଓହ୍ଲାଇବା ପରେ ତାଙ୍କୁ ନିଜ ନିଜ ଗନ୍ତବ୍ୟ ସ୍ଥାନକୁ ବସ ଯୋଗେ ପଠାଯିବ । ଏହି ସମୟରେ ସାଧାରଣ ଜନତାଙ୍କୁ ସମ୍ଭାବ୍ୟ ସଂକ୍ରମଣରୁ ଦୁରେଇ ରଖିବା ପାଇଁ ଜିଲ୍ଲା ପ୍ରସାଶନ ଏଭଳି ପଦକ୍ଷେପ ଗ୍ରହଣ କରିଛି । ତେବେ ପ୍ରବାସୀଙ୍କ ପରିବହନ ପାଇଁ ସମ୍ପୁର୍ଣ୍ଣ ସାଲେପାଲି, ସାଲେପାଲି ରୁ ଆର୍ଟିଓ ଅଫିସ ଦେଇ ଟିଟିଲାଗଡ଼ ରାସ୍ତା, ରେଳ ଷ୍ଟେଶନରୁ ସୁଡ଼ପଡା ଦେଇ ପୁଇଁତଲା ରାସ୍ତା, ଆର୍ଟିଓ ଅଫିସ ରୁ ମହିଳା କଲେଜ ଦେଇ ରାଜେନ୍ଦ୍ର କଲେଜ କୁ ସଂଯୋଗ କରୁଥିବା ରାସ୍ତା କୁ ବ୍ୟବହାର କରାଯିବା ସ୍ଥଳେ ଏହି ସମସ୍ତ ରାସ୍ତାରେ ୧୪୪ ଧାରାକୁ ବଳବତ୍ତର କରାଯିବା ନେଇ ବଲାଙ୍ଗିର ଉପ ଜିଲ୍ଲାପାଳ ସଞ୍ଜୟ ମିଶ୍ର ସୂଚନା ଦେଇଛନ୍ତି ।
