କେନ୍ଦ୍ରାପଡ଼ା ରେ ମେଡିକାଲ କଲେଜ ପାଇଁ କଂଗ୍ରେସ ର ଦାବି

 କେନ୍ଦ୍ରାପଡ଼ା : ଜିଲା ରେ ମେଡିକାଲ୍ କଲେଜ୍ ପ୍ରତିଷ୍ଠା ଦାବିରେ ଆନ୍ଦୋଳନ କୁ ଓଲାଇଛି ଜିଲା କଂଗ୍ରେସ l ଆଜି ଦଳ ପକ୍ଷରୁ କେନ୍ଦ୍ରାପଡ଼ା ଜିଲାପାଳଙ୍କ କାର୍ଯ୍ଯାଳୟ ଘେରାଉ କରାଯିବା ସହ ମୁଖ୍ୟମନ୍ତ୍ରୀଙ୍କ ଉଦ୍ଦେଷ୍ୟରେ ଦାବିପତ୍ର ପ୍ରଦାନ କରାଯାଇଛି l ପୂର୍ବତନ ମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ଗଣେଶ୍ଵର ବେହେରା ଙ୍କ ଅଧ୍ୟକ୍ଷତାରେ ଅୟୋଜିତ ଏହି କାର୍ଯ୍ୟକ୍ରମ ରେ ଯୋଗଦେଇ ପିସିସି ସଭାପତି ନିରଞ୍ଜନ ପଟ୍ଟନାୟକ ମେଡିକାଲ କଲେଜ ପାଇଁ ଦାବି କରିବା ସହିତ ଲୋକପ୍ରତିନିଧି ମାନେ ଏଥିପାଇଁ ସମ୍ମିଳିତ ସ୍ଵର ଉତ୍ତୋଳନ ପାଇଁ ଆହ୍ଵାନ ଦେଇଥିଲେ l ସେହିପରି ଅନ୍ୟତମ କଂଗ୍ରେସ ନେତା ତଥା ବିଧାୟକ ସୁରେଶ୍ ରାଉତ ରାୟ କେନ୍ଦ୍ରାପଡ଼ା ଜିଲା କେବଳ ସ୍ୱାସ୍ଥ୍ୟ କ୍ଷେତ୍ରରେ ନୁହଁ ବରଂ ସବୁ କ୍ଷେତ୍ର ରେ ଅବହେଳିତ ବୋଲି ନିଜ ବକ୍ତବ୍ୟରେ କହିଥିଲେ l କଂଗ୍ରେସ୍ ଏହି ଆନ୍ଦୋଳନ କୁ ରାଜଧାନୀ ପର୍ଯ୍ୟନ୍ତ ନେବ ବୋଲି କେନ୍ଦ୍ରାପଡ଼ା ଜିଲା କଂଗ୍ରେସ ସଭାପତି ଅଂଶୁମାନ ମହାନ୍ତି ନିଜ ପ୍ରତିକ୍ରିୟା ରେ ପ୍ରକାଶ କରିଥିଲେ l ଏହି ଅବସରରେ କଂଗ୍ରେସ ପକ୍ଷରୁ ଅତିରିକ୍ତ ଜିଲାପାଳ ବସନ୍ତ କୁମାର ରାଉତ ଙ୍କ ଜରିଆରେ ମୁଖ୍ୟମନ୍ତ୍ରୀ ଙ୍କ ଉଦ୍ଦେଶ୍ଯରେ ଏକ ଦାବିପତ୍ର ପ୍ରଦାନ କରିଥିଲେ l ଅନ୍ୟ ମାନଙ୍କ ମଧ୍ୟରେ କଂଗ୍ରେସ ନେତା ଧରଣୀଧର ନାୟକ, ଜ୍ଞାନ ରଞ୍ଜନ ବେଉରା, ବିଭ୍ରାଅଂଶୁ ଲେଙ୍କା ପ୍ରମୁଖ ଯୋଗ ଦେଇ ଜିଲାରେ ମେଡିକାଲ କଲେଜ ର ଆବଶ୍ୟକତା ନେଇ ଦାବି ଉପସ୍ଥାପନା କରିଥିଲେ l କାର୍ଯକ୍ରମ ପୂର୍ବରୁ ଦୁହୁରିଆ ଛକ ରୁ ଏକ ବିଶାଳ ଶୋଭାଯାତ୍ରା ବାହାରି ସହର ପରିକ୍ରମା କରିଥିଲା l